2 Samuel 23:6 - Chayahuita (Shahui)

^6-7 Co noyahuëꞌ nipisopitaso nipirinhuëꞌ, Yosëri ataꞌhuantapon. Inapitasoꞌ aꞌtën shihuarin co quëꞌyarësohuë pochin nicaponaꞌ. Inasoꞌ yainquihuatëra, co topinan paaparëhuëꞌ. Sahuënirëꞌquënpo chachin paaparëꞌ. Piꞌquirahuatë sonamënquë imorëꞌ. Yanipachina aꞌpëhuatëra, noyá huëyarin huachi,” tënin Tapi cantaton.

2 Samuel 23:6 ပူးပေါင်းရင်းမြစ်များ

Génesis 3:18

Naporahuaton, nahuanoꞌsaꞌ, shihuarinoꞌsaꞌ, inapita naꞌcon naꞌcon papotapon huachi. Nisha nisha canomëroꞌsaꞌ, nararayaroꞌsaꞌ, inapita yoniton, capon.

Isaías 33:12

Nisha nisha ninanoroꞌsa huiquitatonaꞌ, huariano taranapi. Nahuan yanirinso pochin huëyaponaꞌ.

Ezequiel 2:6

Piyapinquën nipiranhuëꞌ, ama inapita tëꞌhuatëquësohuëꞌ. Maꞌsona itohuachinëontaꞌ, ama tëꞌhuaquësohuëꞌ. Nahuanoꞌsaꞌ, yonpincaroꞌsaꞌ, inapita huáncana yaꞌhuëaranso pochin cancantaran. Inapopiranhuëꞌ, maꞌsona itohuachinën ama tëꞌhuaquësohuëꞌ. Noꞌhuitatona nishinahuën niꞌtohuachinantaꞌ, ama tëꞌhuatëquësohuëꞌ. Co natantochináchinhuëꞌ cancantopirinahuëꞌ, ama tëꞌhuatëquësohuëꞌ.

Mateo 13:41

Anquëniroꞌsaꞌ aꞌpahuato, yaꞌipi co noyahuëꞌ nipisopita ayontonapi huachi. Anishacancantonaꞌpiroꞌsantaꞌ masapi.

1 Samuel 2:12

Iri huiꞌninpitasoꞌ, co noyahuëꞌ cancantopi. Napoatonaꞌ, co Sinioro tëranta tëꞌhuatatonaraihuëꞌ, co noyahuëꞌ nisápi.