2 Samuel 22:8 - Chayahuita (Shahui)

⁸ Naporoꞌ quëma nohuanton, chiníquën ocohua paꞌnin. Motopiroꞌsanta nacon naconchararin. Quëma Sinioro noꞌhuitëran niꞌton, naporin. Inimiconëhuëpita noꞌhuiton naporan.

2 Samuel 22:8 ပူးပေါင်းရင်းမြစ်များ

Mateo 27:51

Naporoꞌ Yosë chinotopiso pëiquë tanontën nëꞌmëtëꞌ patonpisoꞌ noshatërin. Inaora noshataton, catotë huarëꞌ ninin. Inapa quëran noꞌpaquë huarëꞌ noshatomarin. Naporahuaton, panca ocohua paꞌnin. Naꞌpiroꞌsaꞌ inaora nopaatërin.

Mateo 28:2

Aꞌnanaya panca ocohua paꞌnin. Sinioro anquëninëni inápa quëran oꞌmarahuaton, pancaraꞌpi paꞌcopitopisoꞌ chiꞌhuincarin. Chiꞌhuincarahuaton, ina aipi huënsërin.

Hechos 4:31

Nani Yosë nontohuachinara, ina nohuanton, pëiꞌ nacon nacontarin. Ispirito Santori yaꞌipiya noyá yaꞌcoancantërin. Chiníquën cancantatonaꞌ, Yosë nanamën shaꞌhuirapi.

Jueces 5:4

Sëir parti quëran Sinioro pipihuatana, isoroꞌpaꞌ nacontërin. Piꞌiroꞌtënta nipaꞌtanin. Chitoro quëranpita oꞌnan huiꞌshirin. Itomo noꞌpa quëran pipihuatana, naporin.