2 Samuel 22:51 - Chayahuita (Shahui)

⁵¹ Quëma catahuaranco niꞌton, naꞌaro inimicoroꞌsa minsërahuë. Huayonatonco copirno nicaꞌhuaso marëꞌ acoranco. Nosoroatonco yácatahuaranco. Cá quëran pipipisopitanta inapotápon,” tënin Tapi Yosë cantanën cantaton.

2 Samuel 22:51 ပူးပေါင်းရင်းမြစ်များ

2 Samuel 23:1

Isoíchin huachi Tapi ocoiaton, cantarin: “Caso Quisi huiꞌninco: Tapi itërinaco. Napoyaconpirahuëꞌ, Yosë noya noya acorinco. Yosë chachin huayoninco copirno yaꞌconahuë. Inasoꞌ, tata masho Cacopocorintaꞌ, chinotërin. Ca mini yashi yashin cantanaꞌpi Israiroco. Iso pochin acoarahuë natancoꞌ:

2 Samuel 7:16

Quëmá quëran pipipisopita cari aꞌpairápo. Napoaton inapitaráchin piyapinëhuëpita copirnonëna yaꞌconaponaꞌ. Ca nohuanto inapitaso copirno yaꞌconatonaꞌ, huaꞌanëntáponaꞌ. Co nisharoꞌsari huaꞌanëntarinhuëꞌ,” tënin,’ itëquëꞌ,” itërin.

Salmos 89:20

Inasoꞌ, Tapi. Piyapinëhuë huayonahuësoꞌ. Ca marëꞌ toma nipiquë opomototohuachina, copirno nicacaso marëꞌ acorahuë.

Salmos 89:24

Cari nosoroato catahuarápo. Ca nohuanton chini chiníquën nanantapon.

Salmos 89:26

Nontohuachincora, ‘quëmaso tatahuënquën, Yosënëhuënquën, paꞌpoyaranco, nichaꞌëranco, napotëranco,’ itaponco.

Salmos 89:29

Ina quëran pipipisopitaráchin yaꞌhuërënamën huaꞌanëntaponaꞌ. Piꞌiroꞌtë yaꞌhuëasoꞌ, co nishari huaꞌanëntarinhuëꞌ.

Salmos 89:36

Ina quëran pipipisopitarácin copirno yaꞌconpachinaꞌ, huaꞌanëntaponaꞌ. Piꞌi yaꞌhuëasoꞌ, co aꞌnapitari huaꞌanëntarinhuëꞌ.

Salmos 91:2

Sinioro nontohuatëhuara: “Quëmaso Yosënëhuënquën. Naꞌpianaquë naꞌpiraiso pochin yaꞌcopirancoi. Inápa pairahuan ninano pochin paꞌpoyarancoi. Maꞌsha onpohuatoira, quëmasáchin chinotërainquën,” itërëhuaꞌ.

Apocalipsis 11:15

Ina quëran yaꞌnatontarinsoꞌ anquënintaꞌ, pihuiantarin. Pihuihuachina, inápaquë chiníquën nonsapi, natanahuë. “Iráca quëra huarëꞌ naꞌa copirnoroꞌsaꞌ yaꞌhuëpirinahuëꞌ, iporasoꞌ Yosëri yaꞌipiya huaꞌanëntarin. Quisocristorë chachin huaꞌanëntomiatarin. Co onporontaꞌ pipiapihuëꞌ,” tosapi.