2 Samuel 22:47 - Chayahuita (Shahui)

⁴⁷ ¡Sinioro quëmaso yaꞌhuëmiatëquëꞌ! ¡Ma noyacha quëmasoꞌ paꞌpoyarancoi paya! Quëmasoꞌ nichaꞌëranco, paꞌpoyaranco, napotëranco. Napotëranco niꞌton, shaꞌhuihuato naní quëran paꞌyachinën.

2 Samuel 22:47 ပူးပေါင်းရင်းမြစ်များ

2 Samuel 22:3

Quëmaso Yosënquën. Quëmasáchin imaranquën. Panca naꞌpiana noyá yaꞌcopirinco. Iscotontaꞌ, noya paꞌpoyarinco. Inapochachin quëmanta noya paꞌpoyaranco. Chiníquën nanantaton nichaꞌëranco. Ina inápa natëtëquë noya naꞌpirëꞌ, inapochachin quëmanta noya yaꞌcopiranco. Inimicoroꞌsa quëran nichaꞌëranco. Noꞌhuitërayaroꞌsa yatëpapirinacohuëꞌ, nichaꞌëranco.

Salmos 89:26

Nontohuachincora, ‘quëmaso tatahuënquën, Yosënëhuënquën, paꞌpoyaranco, nichaꞌëranco, napotëranco,’ itaponco.

Salmos 89:27

Carintaꞌ, paninanoꞌsa ahuaꞌanëntopiso pochin quëtarahuë. Yaꞌipi aꞌnapita copirnoroꞌsa quëran, chini chiníquën nanantarin.

Éxodo 15:2

Sinioroso chini chiníquën nanantaton achinirinpoaꞌ. Ina tëhuënchinsoꞌ nichaꞌërinpoaꞌ: ‘Ma noyacha inaso paya,’ itatëhua cantahuaꞌ. Tatanënpoarinta chinotërin. Napoaton paꞌyatahuaꞌ.

Lucas 1:47

Anoyacancantërinco niꞌton, nóya cancantërahuë.