2 Samuel 22:43 - Chayahuita (Shahui)

⁴³ Amocan paꞌsarëso pochin inimicoroꞌsa canarahuë. Cachiquë chipiroꞌ iꞌnatërëso pochin inimicoroꞌsa nitërahuë.

2 Samuel 22:43 ပူးပေါင်းရင်းမြစ်များ

2 Samuel 7:9

Intopa tëranta paꞌnanquë, carinquën caꞌtanatënquën catahuaranquën. Inimiconënpita chinitopirinënquënhuëꞌ, carinquën catahuaranquën inapita tiquicamasoꞌ. Ca nohuanton sacóshin nahuinan. Chiníquën nanantopisopita pochin quëmanta nahuinan.

Isaías 41:2

¡Ca nohuanton piꞌi pipirinso parti aꞌnara copirno yaꞌconapon! Inasoꞌ, yaꞌipi inimiconënpita minsëapon. Cari catahuarahuë niꞌton, nisha nisha nacionoꞌsa huaꞌanëntapon. Nisha nisha copirnoroꞌsa camaiapon. Sahuëninën, pëꞌchinanën, inapita quëran ahuëaton, trico toꞌnorahuatëra piꞌpitën paꞌsarëso pochin nitapon.

Isaías 41:25

Piꞌi pipirinso parti quëran aꞌnara copirno huëꞌsarin. Nininën quëran përápato huëꞌsarin. Huëꞌsahuaton nortitaquëchin canquipon. Tëshitonaꞌpi noꞌpaꞌ toꞌcarinso pochin, inaso copirnoroꞌsa nitëriapon. Co incari tëranta chinitaponhuëꞌ.

Daniel 2:35

Ina quëran aꞌnaroáchin yaꞌipi noꞌmoshin taranin: Huaꞌnamia, tëshiroꞌpaꞌ, shaꞌpi huaꞌna, prata, oro, inapita naporin. Piꞌipi tahuëri pintiatohuatëra, amocan quënanëso pochin taranpachina, ihuani yaꞌipi quiquirin. Co piꞌpian tëranta acorinhuëꞌ. Ohuantonaꞌpi naꞌpiso nipirinhuëꞌ, panca motopi taranahuaton, yaꞌipiroꞌpaꞌ yaꞌsotërin.

Malaquías 4:1

Naquëranchin Sinioro shaꞌhuitaantarinpoaꞌ: “Caso Sinioroco yaꞌipi nanitapato shaꞌhuitaranquëmaꞌ: ‘Niꞌcoꞌ. Co huaꞌquiya quëranhuëꞌ, anaꞌintaꞌhuaso tahuëri naniarin. Ina tahuëri nanihuachin, ornoquë pën huënaratërinso pochin nisarin. Nocantopisopita, co noyahuëꞌ nipisopita, yaꞌipi inapita anaꞌintarahuë. Panca pënquë shinpitë aꞌnaroáchin huëyarinso pochin co noyahuëꞌ nipisopita anaꞌintarahuë.

Lucas 21:24

Inimicoroꞌsaꞌ huëcatonaꞌ, naꞌa piyapiꞌsaꞌ sahuëniquë tëparapi. Nisha nisha sontaroꞌsari yaꞌhuëpiquë quëparapi asacatacaiso marëꞌ. Nisha piyapiꞌsaꞌ Quirosarinquë yaꞌconahuatonaꞌ, camaitapi. Huaꞌquiꞌ inaquë yaꞌhuaponaꞌ. Tahuërinën nanihuachina, Yosë nohuanton, pipiapi.

Deuteronomio 32:26

“Yaꞌipi parti israiroꞌsa ayanquëꞌi. Tiquimiatohuato, co huachi insonta inapita yonquiarinhuëꞌ,” topirahuë.