2 Samuel 22:40 - Chayahuita (Shahui)

⁴⁰ Quëma achiniranco niꞌton, inimicoroꞌsa ahuërahuë. Co natantochináchinhuëꞌ cancantopisopitanta mosharinaco.

2 Samuel 22:40 ပူးပေါင်းရင်းမြစ်များ

Isaías 45:5

Ca mini Sinioroco. Co aꞌna yaꞌhuërinhuëꞌ. Casáchin Yosëco. Co quëma nohuitopirancohuëꞌ, ca nohuanton míso ahuëtaran.

Isaías 60:14

Aparisitërinëmaso shinpita huëcapairahuatënëmaꞌ, nosorochináchin nontaponëmaꞌ. Yaꞌipi nocaninëmasopitantaꞌ, isonahuatona moshaponëmaꞌ. Quirosarintaꞌ, ‘Sinioro ninanonën,’ itaponaꞌ. Siniorosoꞌ noyasáchin ninin niꞌton, israiroꞌsari inaquë chinotopi.

Colosenses 1:11

Quëmasoꞌ, Sinioro, chini chiníquën nanantëran niꞌton, catahuaquëꞌ chiníquën cancanchinaꞌ. Maꞌsha onpohuachinaꞌ, catahuaquëꞌ noya cancantatonaꞌ, ahuanchinaꞌ. Aꞌnapitari aparisitohuachinaꞌ, catahuaquëꞌ ama noꞌhuiinasohuëꞌ,” itërai, Yosë nontatoi.

Apocalipsis 5:9

Chinotatonaꞌ, inahuara yonquinëna quëran nasha cantanën cantarapi. “Noya noyanquën, Sinioro, niꞌton, nanan yaꞌhuëtërinquën quirica niꞌcamasoꞌ. Toꞌni iꞌshotohuatan, nani maꞌsha anitotarancoi. Iráca tëparinënquën. Chiminaton, piyapiꞌsaꞌ sopai quëran ocoiran Yosë imacaiso marëꞌ. Napoaton quëmasáchin nanitëran yaꞌipiya huaꞌanëntacasoꞌ. Nisha nisha parti yaꞌhuëpirinahuëꞌ, imarinënquën, Sinioro. Nisha nisha nananquë nonpisopita imarinënquën. Nisha nisha copirnori huaꞌanëntërinsopita niponaraihuëꞌ, natërinënquën.