2 Samuel 22:4 - Chayahuita (Shahui)

⁴ Inimicoroꞌsa yaahuëhuachincora, nontëranquën. Ina natanaton, inapita quëran nichaꞌëranco. Napoaton chinotaꞌhuanquënso yaꞌhuërin.

2 Samuel 22:4 ပူးပေါင်းရင်းမြစ်များ

Salmos 116:13

Nichaꞌërancosoꞌ yonquiato, “Yosparinquën Sinioro” itaranquën. Quëmasáchin imatënquën nani tahuëri nontáponquën.

Salmos 116:17

Ina marëꞌ “Yosparinquën,” itatënquën maꞌsha tëparahuato chinotaranquën. Naporahuaton nani tahuëri chinotaranquën.

Salmos 116:2

Nosoroatonco aꞌpanirinco niꞌton, chiminaquë huarëꞌ ina chinotápo.

Salmos 116:4

Naporoꞌ Sinioro nontërahuë: “Nichaꞌëco Sinioro, ama chimiinsohuëꞌ,” itërahuë.

Salmos 34:6

Saꞌahuaya pochin cancantato, chiníquën Sinioro nontërahuë. Inasoꞌ, nani maꞌsha onporahuë quëran nichaꞌërinco.

Salmos 66:2

Paꞌyapiro niꞌton, ina cantanën cantahuaꞌ. Noya noya nininso cantaroꞌsa cantatëhuaꞌ, chinotahuaꞌ:

Salmos 96:4

Yosëso chini chiníquën nanantërin. Inasáchin chinotacaso yaꞌhuërin. Mamanshiroꞌsasoꞌ topinan quëran tëꞌhuatopi. Yosë tëhuënchinsoꞌ tëꞌhuatacaso yaꞌhuërin.

Romanos 10:13

“Oshanëhuë Sinioro inquitoco,” topatëhuaꞌ, anoyacancantatonpoaꞌ nichaꞌësarinpoaꞌ.

Apocalipsis 4:11

“Quëmasáchin Sinioro imarainquën. Noya noyanquën niꞌton, yaꞌipi piyapiꞌsaꞌ chinochinënquën. Nani tahuëri natëinënquën. Yaꞌipi nanitaparan. Yaꞌipi maꞌsha ninan. Quëma nohuanton, ipora huantaꞌ yaꞌhuarin,” itopi.

Apocalipsis 5:12

“¡Ma noyacha Carniroaꞌhuaso paya! Piyapiꞌsaꞌ oshanënaꞌ inquitacaso marëꞌ chiminin. Noya noya niꞌton, yaꞌipi piyapiꞌsari chinochinaꞌ. Chini chiníquën nanantaton, yaꞌipi nanitaparin. Nani maꞌsha yaꞌhuëtërin, yaꞌipi huaꞌanëntarin. Yaꞌipi nitotërin. Napoaton yaꞌipinpoaꞌ natëahuaꞌ. ‘Yosparinquën, Sinioro,’ itahuaꞌ,” tosapi.