2 Samuel 22:3 - Chayahuita (Shahui)

³ Quëmaso Yosënquën. Quëmasáchin imaranquën. Panca naꞌpiana noyá yaꞌcopirinco. Iscotontaꞌ, noya paꞌpoyarinco. Inapochachin quëmanta noya paꞌpoyaranco. Chiníquën nanantaton nichaꞌëranco. Ina inápa natëtëquë noya naꞌpirëꞌ, inapochachin quëmanta noya yaꞌcopiranco. Inimicoroꞌsa quëran nichaꞌëranco. Noꞌhuitërayaroꞌsa yatëpapirinacohuëꞌ, nichaꞌëranco.

2 Samuel 22:3 ပူးပေါင်းရင်းမြစ်များ

Génesis 15:1

Ina piquëran Siniorori, Apran yaꞌnotërin. Co huëꞌëponahuëꞌ, huaꞌnarëso pochin nontërinsoꞌ natanin: —Apran, ama tëꞌhuaquësohuëꞌ, carinquën paꞌpoyaranquën. Panca acanamiataranquën, itërin.

2 Samuel 22:31

Quëmaso Sinioro ninansopita, noyasáchin ninin. Co manta tëhuëranhuëꞌ. Catahuancoiso shaꞌhuitërancoisopitasoꞌ, natëpiro ninin. Sontaroꞌsa iscotonëni paꞌpoyarin. Inapochachin quëmanta natërinënquënsopita paꞌpoyaquëꞌ.

2 Samuel 22:47

¡Sinioro quëmaso yaꞌhuëmiatëquëꞌ! ¡Ma noyacha quëmasoꞌ paꞌpoyarancoi paya! Quëmasoꞌ nichaꞌëranco, paꞌpoyaranco, napotëranco. Napotëranco niꞌton, shaꞌhuihuato naní quëran paꞌyachinën.

2 Samuel 22:49

Inimiconëhuëpita quëran nichaꞌëranco. Aꞌnaquën co natëtatonahuëꞌ yaocoirinaco. Inapita quëraonta nichaꞌëranco. Sinioro: Noꞌhuitërayaroꞌsa yatëpapirinacohuëꞌ, quëma nichaꞌëranco.

2 Samuel 22:51

Quëma catahuaranco niꞌton, naꞌaro inimicoroꞌsa minsërahuë. Huayonatonco copirno nicaꞌhuaso marëꞌ acoranco. Nosoroatonco yácatahuaranco. Cá quëran pipipisopitanta inapotápon,” tënin Tapi Yosë cantanën cantaton.

2 Samuel 23:3

Israiroꞌsanpoa chinotërëhuasoꞌ, nontërinco. Yápaꞌpoyarinpoaso naporin: ‘Insosona copirno yaꞌconpachin, noyasáchin nicaton camaitapon. Ca tëꞌhuatatonco natëincoso yaꞌhuërin.

Salmos 14:6

Sano piyapiroꞌsa yonquipisoꞌ, yatëhuapi. Napopirinahuëꞌ, Siniorori inapitaso noya nicaton paꞌpoyararin.

Salmos 27:5

Parisitacaso tahuëri canquihuachin, quëma Sinioro paꞌpoyaponco. Pëinënquë chachin poꞌorëso pochin nitaranco. Inaquë noya noyaso naꞌpirai.

Salmos 32:7

Quëmaso Sinioro paꞌpoyarancoi. Huëhuëpiro ninin quëran yaꞌshopirancoi. Catahuarancoi niꞌton, canatohuatoi cantarápoi.

Salmos 46:1

Yosë paꞌpoyatonpoa achinirinpoaꞌ. Nani maꞌsha onporëhuaquë catahuarinpoaꞌ.

Salmos 46:11

Siniorosoꞌ yaꞌipi nanitaparin. Inasoꞌ, yacatahuarinpoaꞌ. Iráca Cacapori chinotërinsoꞌ, paꞌpoyararinpoaꞌ.

Salmos 46:2

Napoaton co tëꞌhuarëhuahuëꞌ. Isoroꞌpaꞌ nisha nisha nisapirinhuë tërantaꞌ, co paꞌyanarihuahuëꞌ. Motopiroꞌsa marëquëꞌpaꞌ niitohuachinaꞌ, Marë panca coꞌsacaitaton tënëntapon. Napohuachina, motopiroꞌsa nacon naconcharapon. Inapopirinhuë tërantaꞌ, co tëꞌhuatarihuahuëꞌ.

Salmos 46:7

Siniorosoꞌ, yaꞌipi nanitaparin. Inasoꞌ, yacatahuarinpoaꞌ. Iráca Cacapori chinotërinsoꞌ, paꞌpoyararinpoaꞌ.

Salmos 72:14

Huaꞌanëntatona aparisitohuachinaꞌ, nichaꞌësarin. Naꞌcon paꞌtërinso pochin nicaton napotarin.

Salmos 84:11

Siniorosoꞌ Yosë niꞌton, paꞌpoyarinpoaꞌ. Aꞌpintatë pochin catahuarinpoa noꞌtëquën yonquicasoꞌ. Noyasáchin nipatëhuaꞌ, nosororinpoaꞌ. Noya nicatonpoaꞌ, noya nininsoꞌ co apiratërinpoahuëꞌ.

Salmos 84:9

Copirno huayonaton acotërancoisoꞌ, iscoto pochin yaꞌcopirincoi. Noya nicaton ina catahuaquëꞌ.

Éxodo 15:2

Sinioroso chini chiníquën nanantaton achinirinpoaꞌ. Ina tëhuënchinsoꞌ nichaꞌërinpoaꞌ: ‘Ma noyacha inaso paya,’ itatëhua cantahuaꞌ. Tatanënpoarinta chinotërin. Napoaton paꞌyatahuaꞌ.

Isaías 32:2

Aꞌnaya aꞌnaya, ihuan naꞌpitiinan pochin paꞌpoyatapi. Maꞌsha onpocaso tahuëri nipachin, catahuatapi. Yaniroquë sharoꞌsa opotacaiso marëꞌ cashapiso pochin nisapi. Panca natëtë inotëroquë, piꞌi yaꞌcopirinso pochin nisapi.

Isaías 45:21

Huëco paꞌahua coisëquë. Noꞌtëquën yonquihuatamaꞌ, aꞌpaniaramaco: ¿Inta caniaritërin quëran maꞌpitaso onpocasoꞌ nani shaꞌhuirin? ¿Inta iráca quëran huarëꞌ inapita shaꞌhuirin? Ca mini Sinioroco niꞌto, inapita nani shaꞌhuirahuë. Co aꞌna Yosë ca pochin yaꞌhuërinhuëꞌ. Casáchin noꞌtëquën yonquirahuë. Casáchin nanitërahuë minsëtato nichaꞌëtaꞌhuasoꞌ.

Lucas 1:47

Anoyacancantërinco niꞌton, nóya cancantërahuë.

Lucas 1:69

Ina nohuanton, Tata masho Tapi shiin chachin nichaꞌësarinpoaꞌ. Inasoꞌ chini chiníquën nanantapon.

Lucas 1:71

‘Aꞌna tahuëri nichaꞌësaranquëmaꞌ. Co huachi inimicoroꞌsaꞌ minsëarinënquëmahuëꞌ. Noꞌhuipirinënquëmahuëꞌ, nichaꞌësaranquëmaꞌ,’ tënin Yosë, topi.

Deuteronomio 32:37

Naporoꞌ inaso nontatënquëmaꞌ: ‘ “Mamanshiroꞌsa paꞌpoyarinpoaꞌ,” ¿tënama pora? ¿Intohuata inahuaso paꞌpi huachi? ¡Inapita marëꞌ maꞌsha tëpatoma tomaquën aꞌcatë pochin nitëramaꞌ! ¡Huinonta quëshitoma oꞌshitërëso pochin nitëramaꞌ! Inapita nipachin paꞌpoyainquëmaꞌ. Pashítatona catahuainquëma huachi.

Deuteronomio 32:4

Inasoꞌ, nóya paꞌpoyarinpoaꞌ. Maꞌsha nipachina, co tëhuërinhuëꞌ. Noꞌtëquënáchin nicaton nóya ninin. Inasoꞌ Yosë, noꞌtëquënáchin nonin. Topinansoꞌ co onporonta piyapi maꞌsha onpotërinhuëꞌ. Noꞌtëquënáchin ninin. Inaíchin Yosësoꞌ.

Deuteronomio 33:29

¡Mainacha canpoasoꞌ israiroꞌsanpoa ninëhua paya! Co inso nacion tërantaꞌ, canpoa pochin nininhuëꞌ. Sinioro chachin nichaꞌërinpoaꞌ. Ina chachin paꞌpoyarinpoaꞌ. Catahuarinpoaꞌ, napotërinpoaꞌ. Inimiconënpoapita, sahuëninënpoa quëran minsërëhuaꞌ. Ina pochachin Sinioronta catahuarinquëmaꞌ, inimicoroꞌsa minsëaramaꞌ. Inimiconëma ahuërapiramahuëꞌ, co nanitatonaraihuëꞌ moshaponëmaꞌ: ‘Ama huachi niahuëaꞌhuasohuëꞌ. Nohuantëramasoꞌ natancoi quëchinquëmaꞌ,’ itaponënquëmaꞌ. Inapotatoma atapanapoma huachi,” itërin Moisësë israiroꞌsa nontaton.

Tito 3:4

Yosëso nipirinhuëꞌ nosoroatonpoaꞌ, catahuarinpoaꞌ. Inasoꞌ noya niꞌton, huiꞌnin aꞌpaimarin nichaꞌëinpoaso marëꞌ.

Tito 3:6

Quisocristo anoyacancantërinpoaꞌ niꞌton, Ispirito Santo aꞌpatimarinpoaꞌ yaꞌcoancantinpoaso marëꞌ. Noyá yaꞌcoancantohuachinpoaꞌ, naꞌcon catahuarinpoaꞌ.

Hebreos 2:13

Inantaꞌ piyapi niꞌton, itaantarin: “Cantaꞌ Tata Yosë natërahuë. Co naniantarincohuëꞌ, tënahuë,” tënin. Ina quëran itaantarin: “Yosë nohuanton, aꞌnaquën piyapiꞌsaꞌ imasarinaco. Inapitantaꞌ Yosë huiꞌninpita pochin niꞌnahuë,” tënin.

1 Samuel 2:1

Naporoꞌ Anantaꞌ, Yosë nontaton itapon: “Sinioro yonquiato capa cancantërahuë. Yaꞌipi cancanëhuë quëran capa cancantërahuë. Achinirinco niꞌton, inimicoroꞌsa aꞌpaniaꞌhuaso nanitërahuë. Catahuarinco niꞌton, noya cancantërahuë.

1 Samuel 2:2

¡Inasáchin noya noyasoꞌ! ¡Co insonta ina pochin paꞌpoyarinpoahuëꞌ! Co aꞌna yosë ina pochin yaꞌhuërinhuëꞌ.