2 Samuel 22:20 - Chayahuita (Shahui)

²⁰ Inimicoroꞌsa quëran nichaꞌëranco niꞌton, co tëparinacohuëꞌ. Nosororanco niꞌton, nichaꞌëranco.

2 Samuel 22:20 ပူးပေါင်းရင်းမြစ်များ

Génesis 26:22

Isacosoꞌ, saꞌin, piyapinënpita, pëꞌtahuanënpita, inapitarë chachin, áquë paꞌpi huachi. Inaquë aꞌna poso ihuantapi. Ina marësoꞌ co huachi niahuëpihuëꞌ niꞌton: “Chaꞌëpisopita, posonën,” itërin. “Ipora tëhuënchinsoꞌ Sinioro nichaꞌërinpoa noya noya isëquë yaꞌhuëcaso marëꞌ” taꞌton, ina pochin ina poso nohuitërin.

2 Samuel 15:26

Napoaponahuëꞌ, co huachi yacatahuahuachincohuëꞌ, noyatapon. Maꞌsona ina nohuantërinsoꞌ nichinco, itërin.

2 Samuel 22:37

Inimicoroꞌsa imapachinacora co sacai quëranhuëꞌ taꞌananpirahuë. Inapohuatora, co toꞌcoitonahuanhuëꞌ taꞌarahuë.

Salmos 118:5

Co napion ancantato Sinioro nontërahuë. Ina quëran natanahuatonco nichaꞌërinco.

Salmos 22:8

Napoatonaꞌ: “ ‘Yosë natërahuë niꞌton, catahuaponco,’ tënin niꞌquëhuarëꞌ, inari nichaꞌëin. Nosororin niꞌquëhuarëꞌ, nichaꞌëin,” topi nonatonaꞌ.

Isaías 42:1

Sinioro naporin: “Natanco shaꞌhuichinquëmaꞌ. Piyapinëhuë nohuitocoꞌ. Cari chachin ina achiniapo. Huayonahuëso niꞌton, nóya niꞌnahuë. Ispiritonëhuë nani ayaꞌcoancantërahuë. Noya coisë pochin nicaton, yaꞌipi nacionoꞌsa noꞌtëquën shaꞌhuitapon.

Oseas 4:16

Israiroꞌsasoꞌ, iráca quëran huarëꞌ co yanatërinacohuëꞌ. Noꞌhuitëraya ohuaca pochin niconpi. Tëhuënchachin caso Sinioroco niꞌto, ina pochin piyapiroꞌsasoꞌ, co aꞌpaiyapohuëꞌ. Noyápiachin pastoroꞌsaquë carniroaꞌhuaroꞌsa aꞌpairëso pochin yanitopirahuëꞌ, ¡co onporonta inapotaꞌhuaso yaꞌhuërinhuëꞌ!

Mateo 17:5

Nonaquëyaꞌ, chitorori imotërin. Huënaráchin huënaráchin ninin. Chitoroꞌ huáncana quëran Yosëri shaꞌhuitërin: “Isosoꞌ ca huiꞌnahuë, naꞌcon nosororahuësoꞌ. Nóya niꞌnahuë. Ina noya natancoꞌ,” itërin.

Mateo 27:43

“Yosë huiꞌninco chachin niꞌton, catahuarinco,” topirinhuëꞌ. Yacatahuahuachin, apiramiáchin nichaꞌëin, nitopi.

Mateo 3:17

Naporoꞌ inápa quëran Yosë noninsoꞌ natanpi. —Isosoꞌ ca huiꞌnahuë chachin, naꞌcon nosororahuësoꞌ. Noya niꞌnahuë, tënin.