2 Samuel 2:6 - Chayahuita (Shahui)

⁶ Naporahuaton nosoroatënquëma noꞌtëquënáchin catahuainquëmaꞌ. Naporamaso marëꞌ carimantaꞌ, noya nicatënquëma nosoroaranquëmaꞌ.

2 Samuel 2:6 ပူးပေါင်းရင်းမြစ်များ

2 Samuel 15:20

Quëmasoꞌ, co huaꞌqui yacapayátërarancoihuëꞌ. Naporahuaton co ca tëranta nitochatërarahuëꞌ insëquësona pacaꞌhuaisoꞌ. Napoaton co nanitërahuëꞌ quëpaꞌhuanquënsoꞌ. Paquë paantaton quëmopiparinpita Quirosarinquë quëpanantaquëꞌ. Sinioro caꞌtanatënquën catahuainquën. Ama nanianchinquësohuëꞌ tënahuë, itërin.

2 Samuel 2:7

Napoaton iporasoꞌ, canpitanta chiníquën cancantocoꞌ. Saonosoꞌ nani chiminin. Ina chiminpirinhuëꞌ, Cota huënton israiroꞌsasoꞌ, copirnonëna nicaꞌhuaso marëꞌ nani acorinaco. Canpita topatamasoꞌ, nanitërahuë copirnonëma yaꞌconaꞌhuasoꞌ, tënin Tapi,” itopi.

2 Samuel 9:3

—¿Aꞌnaya tëranta Saono quëmopinën yaꞌhuëarin to? Yaꞌhuëapachin shaꞌhuitoco. Yosë niꞌsárinco nosoroarahuë, itërin Tapiri. —Yaꞌhuëarin mini aꞌnara Conatanco huiꞌnin. Inasoꞌ, Mihui-posi itopi. Cato paꞌhuën quëran chachin yamorin, itërin Sipari.

2 Samuel 9:7

—Ama tëꞌhuatocosohuëꞌ. Iráca quëmaquën tatacorëꞌco, “Yoscoarëꞌ co ninoꞌhuiarihuëꞌ,” niitatoi nipayarai. Ina yonquiato carinquën nosoraoaranquën. Tata masho Saonocoꞌ noꞌpanën macamaso marëꞌ camaitarahuë. Naporahuaton quëmasoꞌ, ipora quëran huarëꞌ carëꞌquën coshataran, itërin.

Éxodo 34:6

Moisësë naꞌhuëtapon pochin chiníquën nonsarin: —¡Caso Sinioroco! ¡Caso Sinioroco! Caso Yosëco noyápiachin cancantërahuë. Aꞌnaroáchin yanosorotërahuë. Co aꞌnaroáchin noꞌhuitërahuëꞌ. Piyapinëhuëpita nosoromiatërahuë. Noꞌtëquënáchin nonahuë.

Mateo 10:16

Ina quëran itaantarin: “Niꞌcoꞌ iyaroꞌsaꞌ. Ohuicaroꞌsaꞌ co nanitopihuëꞌ niaꞌpaicaisoꞌ. Aꞌnaroáchin huëntonën niꞌniroꞌsari mapi. Aꞌchintohuatamaꞌ, aꞌnaquën piyapiꞌsaꞌ niꞌniroꞌsa pochin cancantatonaꞌ, noꞌhuiarinënquëmaꞌ. Napoaton noya yonquicoꞌ. Noꞌhuipirinënquëmaontaꞌ, ama noꞌhuicosohuëꞌ. Noya cancantatomaꞌ, sanoanan quëran nontocoꞌ.

Mateo 5:44

Nipirinhuëꞌ carimaꞌ shaꞌhuichinquëmaꞌ. Inimiconëmapitantaꞌ iyaroꞌsaꞌ, nosorocoꞌ. Aparisitopirinënquëmaontaꞌ, nosorocasoꞌ yaꞌhuërin. Inapita marëntaꞌ noya Yosë nontocoꞌ inahuantaꞌ catahuain.

Mateo 5:7

Aꞌnapita nosorohuatamaꞌ, Yosë nosoroarinquëmaꞌ canpitantaꞌ. Noya cancantaramaꞌ.

Josué 2:14

Napotohuachina aꞌnari itapon: —Inso Israiro quëmapi tërantaꞌ, maꞌsha onpotohuachinquëmaꞌ, Sinioro chachin catocoi tëpaꞌincoi. Quëmahuë nipon, quëmopinënpitahuë nipon, maꞌsha onpotohuachinënquëmaꞌ, inapochincoi. Coꞌsoꞌ anoyatërëhuaso shaꞌhuihuatanhuëꞌ, inapotarainquën. Sinioro iso noꞌpaꞌ quëtohuachincoi, quiyarinta noꞌtën chachin nosoroarainquëmaꞌ, itërin.

Rota naporinso' 1:8

Inapitarëꞌ pacaponahuëꞌ, iraquë itapon: —Paꞌmantatoma canpitasoꞌ, mamama nimaco topirahuëꞌ. Canpitaso naꞌcon nosororamaco. Huaꞌhuahuëpitantaꞌ, napotëramaꞌ. Ina marëꞌ Sinioro canpitanta nosoroꞌinquëmaꞌ. Ina nohuanton chachin noya soꞌyaantatomaꞌ, pëinëmaquë noya yaꞌhuëcoꞌ, itërin. Itahuaton, pacacaiso marëꞌ apinoraꞌpiarin. Inahuaso napoaponahuëꞌ, naꞌnëconpi.