2 Samuel 2:1 - Chayahuita (Shahui)

¹ Ina piquëran Tapisoꞌ, Sinioro natanapon: —Cota huënton noꞌpanënquë naꞌa ninanoroꞌsa yaꞌhuërin. ¿Noya ina ninanoroꞌsaquë pacaꞌhuaisoꞌ to? itërin. —Noya paquëꞌ, itërin Siniorori. —¿Inso ninanoquëta paꞌi? taantarin Tapi. —Iporon ninanoquë paquëꞌ, itaantarin Siniorori.

2 Samuel 2:1 ပူးပေါင်းရင်းမြစ်များ

Génesis 13:18

Ina natanahuaton, Apranso piyapinënpitarë chachin nëꞌmëtë pëiroꞌsa ótënpiso mapi. Masahuatonaꞌ, insina nararoquë paꞌpi. Inaquë paꞌsahuatonaꞌ, yaꞌhuëconpi huachi. Ina nararosoꞌ, Mamiri itopisoari huaꞌanëntërin. Ipron ninano yaꞌcariya inasoꞌ. Inaquë Apran Sinioro chinotacaso marëꞌ aꞌna artaro niantarin.

2 Samuel 15:7

Inapochinachin catapini piꞌi naꞌhuërin. Aꞌna tahuëri inasoꞌ, paꞌpin paaparahuaton itapon: —Siria parti Quisoro ninanoquë yacapatapo, chinotaꞌhuaso marëꞌ Yosë shaꞌhuitërahuë: “Quëma nohuanton Quirosarinquë panantarahuë naporini, maꞌsharoꞌsa tëpato, chinochitënquënhuëꞌ,” itërahuë. Napotërahuëso chachin ina catahuarinco. Napoaton quëtoco canta Ipron ninanoquë paato, Yosë shaꞌhuitërahuësoꞌ nii, itërin.

2 Samuel 5:19

Napoaton Tapisoꞌ Sinioro natanin: —¿Huiristinoꞌsa ahuëcaꞌhuaso marëꞌ paꞌi? ¿Quëma catahuaponco inapita minsëaꞌhuasoꞌ to? itërin. Napotohuachina, inariso itapon: —Paapaton ahuëconquëꞌ. Carinquën catahuaranquën inapita minsëamasoꞌ, itërin.

2 Samuel 5:23

Napohuachinara Tapisoꞌ, naquëranchin Sinioro nataantarin. Natanpachina Siniorori itapon: —Ama notënan quëran ahuëconcosohuëꞌ. Conitahuaton, pinëna parti quëran ahuëconcoꞌ. Parsamo nararoꞌsataquëchin canconpatamaꞌ, inaquë ahuëtocoꞌ.

1 Reyes 2:11

Catapini shonca piꞌipi israiroꞌsa copirnonën yaꞌconin. Canchisë piꞌi Ipronquë huaꞌanëntërin. Cara shonca cara piꞌi, Quirosarinquë huaꞌanëntërin.

Salmos 27:4

Aꞌnaíchin maꞌsha Sinioro natainquën acotoco. Ina paꞌpi nohuantato napoarahuë. Quëma pëinënquë quëtoco yaꞌhuëꞌi. Inaquë yaꞌhuëato chinotaꞌinquën. Noyápiachin ninansoꞌ, niꞌsaꞌi.

Ezequiel 36:37

Naporahuaton maꞌmarë tëranta nontohuatamaco, aꞌnaroáchin catahuararanquëmaꞌ. Ca nohuanton notohuaroꞌ naꞌasaramaꞌ. Panca huënton ohuicaroꞌsa pochin nisaramaꞌ. Ca Sinioroco shaꞌhuitaranquëmaꞌ.

Números 27:21

Napoaponahuëꞌ, Cosoi huaꞌan yaꞌconaton maꞌsona yanipachin, Iriasaro corto huaꞌanquë paꞌsarin. Inari huachi Cosoi yaꞌhuërënamën shaꞌhuitaꞌhuaso marëꞌ Orin quëran natanaponco. Anitotërahuëso chachin Cosoiri israiroꞌsa camaiapon, itërin.

1 Samuel 10:22

Napoaton naquëranchin Sinioro nataantapi: “¿Isëquë Sinioro Saono nisarin?” topachinara: “Nani isëquë nisarin. Pëꞌpëtoroꞌsa huáncana naꞌpirarin,” itërin Yosëri.