2 Samuel 19:39 - Chayahuita (Shahui)

³⁹ Yaꞌipiya quëran Cortaniiꞌ pëntontopi huachi. Copirnonta pëntonpachina, Parsirairi noya pacacaso marëꞌ apinorin. Napotahuaton yaꞌhuërinꞌpaꞌ panantarin.

2 Samuel 19:39 ပူးပေါင်းရင်းမြစ်များ

Génesis 14:19

Nani aꞌcarahuaton, Miriquisori Apran iso pochin shaꞌhuitërin: “Yosë chini chiníquën nanantërinsoꞌ, catahuainquën. Inasoꞌ, piꞌiroꞌtëꞌ, isoroꞌpaꞌ, inapita acorin.

Génesis 28:3

Yosë yaꞌipi nanitaparinsoꞌ catahuainquën. Naꞌa huiꞌnanpita quëchinquën. Quëmá quëran naꞌa nacionoꞌsa pipicaso marëꞌ inapochinquën.

Génesis 31:55

Tahuëririnquë tashíramiachin Napanosoꞌ huënsëintarahuaton, huiꞌninpita, shinpita, inapita apinoraꞌpiarin: “Yosë catahuainquëma noya pacoꞌ,” itahuaton yaꞌhuërinquë paꞌmantarin huachi.

Génesis 45:15

Ina quëran Cosisoꞌ, yaꞌipi iinpita noya nontaton sëꞌquërin. Inapitanta iporahuaton naꞌnërin. Ina piquëran inapitarinta co huachi tëꞌhuatatonahuëꞌ, noya nontopi huachi.

Génesis 47:10

Cacoposo nani huaraon nontahuaton, Cosirë chachin paꞌnin huachi.

Génesis 47:7

Ina piquëran Cosisoꞌ, huaraon anohuitacaso marëꞌ paꞌpionta quëparin. Cantontahuaton Cacoposoꞌ, monsho tënin, nontacaso marëꞌ.

2 Samuel 14:33

Napotohuachina, inaso, copirno shaꞌhuitoonin. Ina natanaton, inaso Apësaron amatërin. Paꞌpinquë canquihuachina, isonin quëran noꞌpaquë huarëꞌ monshorahuaton mosharin. Inarinta apinorahuaton nontërin.

2 Samuel 19:38

—Noyapaꞌ. Quëpaarahuë. Maꞌsona onpotaꞌhuasoꞌ shaꞌhuitohuatanco, ina chachin nitarahuë. Quëmanta maꞌsona natanpatanco, quëchinquën, itërin copirnori.

2 Samuel 6:18

Nani inapita Sinioro marëꞌ ahuíquitohuachinara, yaꞌipi israiroꞌsa itapon: “Siniorosoꞌ yaꞌipi nanitaparin. Inari chachin catahuaráponquëma niꞌton, nóya yaꞌhuëaramaꞌ,” itërin.

2 Samuel 6:20

Tapinta pëinënquë paꞌsahuaton, saꞌinpita, huiꞌninpita, inapita nontoonin. Micaroriso nipirinhuëꞌ, nacapirahuaton itapon: Quëmasoꞌ Israiro copirnonquën nipiranhuëꞌ, co taparohuanhuëꞌ ninan. Piyapinënpita quëmapiꞌsaꞌ, sanapiꞌsaꞌ, inapita niꞌtonënquë nansaton naporan, itërin.

1 Reyes 19:20

Naporo chachin Irisiosoꞌ, tororoꞌsa aꞌporin. Ina quëran taꞌarahuaton icantoonin: —Imasaranquën mini sinioro. Napoaponahuëꞌ, quëtoco paato, tata, mama, inapita nonta nontaꞌi, itërin. —Noya paquëꞌ. Ama napoaponahuëꞌ, napotëranquënsoꞌ naniantëquësohuëꞌ, itërin Iniasëri.

Números 24:25

Yosë yonquirinso shaꞌhuirahuaton, Paramoso yaꞌhuërinꞌpaꞌ paantarin. Paraconta yaꞌhuërinꞌpaꞌ paꞌnin antaꞌ.

Lucas 2:34

—Yosë noya aꞌpainquëmaꞌ, itërin Simioni. Ina quëran aꞌshin itantapon: —Huaꞌhuan mashotohuachin, yaꞌipi israiroꞌsaꞌ pënënarin. Natanahuatonaꞌ, aꞌnaquën natëtonaꞌ, noya cancantapi. Aꞌnaquënso nipirinhuëꞌ co nohuantapihuëꞌ niꞌton, anotërëso pochin nisapi. Yosë nohuitacaiso marëꞌ noꞌtëquën pënëntapirinhuëꞌ, chiníquën noꞌhuiapi.

Hechos 20:37

Naporoꞌ yaꞌipiya sëtatonaꞌ, naꞌnëpi. Paono iporahuatonaꞌ, apinopi.

1 Tesalonicenses 5:26

Imaramasopita capini noya ninosoroatomaꞌ, nisëꞌquëcoꞌ.

Rota naporinso' 1:14

Napotohuachina, inahuaso naquëranchin naꞌnëantapi. Napoin quëran Orpasoꞌ, aꞌshatën yapataton apinorin huachi. Apinorahuaton panantarin. Rotaso napoaponahuëꞌ, inarë quëparitërin.

1 Samuel 24:22

Napotohuachina: “Sinioro niꞌsárinco co napoarahuëꞌ,” itërin Tapiri. Nani ninontohuachinara, Saonoso pëinënquë panantarin. Tapinta sontaronënpitarë chachin naꞌpipiꞌpaꞌ yaꞌcoantapi.