2 Samuel 19:37 - Chayahuita (Shahui)

³⁷ Iso tëhuënchinso natainquën. Yaꞌhuërahuë ninanoquë panantaꞌhuaso quëtoco. Inaquë chiminpato, quëmopinëhuëpita paꞌpichinaco. Shimashonëhuëpita poꞌmopiquë cantaꞌ, poꞌmoinaco. Huiꞌnahuë Quiman itërahuësoꞌ tëhuënchinsoꞌ yaꞌhuëarin. Inantaꞌ, carinquën natëranquënso pochin natëarinquën. Ina tëhuënchinsoꞌ imainquën. Imapachinquën nosoroaton catahuahuatan, noya nisarin topirahuë, itërin.

2 Samuel 19:37 ပူးပေါင်းရင်းမြစ်များ

Génesis 47:30

Shimashonëhuëpita quënanconaꞌhuaso tahuëri nanitohuachinco, Iquipito noꞌpa quëran quëpaco. Quëparahuatonco, inapita poꞌmopiquë, canta poꞌmoontaco, itërin. —Noyapaꞌ. Inapochinquën nipachin, itërin Cosiri.

Génesis 48:21

Ina quëran Cosi tahuërëtahuaton itapon: —Niꞌquëꞌ. Caso chiminapo huachi. Yosëso nipirinhuëꞌ, yaꞌhuëmiataton catahuarinquëmaꞌ. Inari chachin shimashonëma noꞌpanënquë quëpanantaponquëmaꞌ.

2 Samuel 19:36

Cortaniiꞌ pëntontacamaso marëíchin caꞌtanaranquën. Inaíchin niꞌquëhuarëꞌ, co aquëtë huarëꞌ acanaancoso yaꞌhuërinhuëꞌ.

2 Samuel 19:38

—Noyapaꞌ. Quëpaarahuë. Maꞌsona onpotaꞌhuasoꞌ shaꞌhuitohuatanco, ina chachin nitarahuë. Quëmanta maꞌsona natanpatanco, quëchinquën, itërin copirnori.

2 Samuel 19:40

Copirnontaꞌ, Quimanë chachin Quiricaroquë paꞌnin. Cota huënton sontaroꞌsari imapi. Patoma pochin aꞌnapita Israiro sontaroꞌsanta oꞌmapisoꞌ, Tapi imapi.

1 Reyes 2:7

Carataquë yaꞌhuërinso Parisirai huiꞌninpitaso nipirinhuëꞌ, nosoroaton catahuaquëꞌ. Quëma coshatëranso misaquë chachin inahuanta coshachinaꞌ. Iráca iya mashoco Apësaron yaꞌhuërëtatonco noꞌhuirinco niꞌton, taꞌananpirahuë. Naporoꞌ inahuasoꞌ, nosoroatonaco paꞌpoyarinaco. Napoaton nosoroquëꞌ.

2 Timoteo 4:6

Maꞌsha Yosë marëꞌ tëpapiso pochin co huaꞌquiya quëranhuëꞌ aꞌchinahuëso marëꞌ tëpaarinaco. Nani tahuëri naniriarin chiminaꞌhuasoꞌ.

2 Pedro 1:14

Co huaꞌquiya quëranhuëꞌ chiminarahuë. Sinioro Quisocristo nani anitotërinco.