2 Samuel 19:35 - Chayahuita (Shahui)

³⁵ Nani posa shonca piꞌipitërahuë. Caꞌpatora, oꞌopatora co huachi yátërahuëꞌ. Cantapisontaꞌ, co huachi ina inahuë natanahuëꞌ. Imapatënquën sacai nisaran. Napoaton co nohuantërahuëꞌ imaꞌhuanquënsoꞌ.

2 Samuel 19:35 ပူးပေါင်းရင်းမြစ်များ

2 Samuel 15:33

Tapiri itapon: —Quëmaso imapatanco, saca sacaiꞌ taꞌacaꞌhuaso nisarin.

2 Samuel 19:36

Cortaniiꞌ pëntontacamaso marëíchin caꞌtanaranquën. Inaíchin niꞌquëhuarëꞌ, co aquëtë huarëꞌ acanaancoso yaꞌhuërinhuëꞌ.

Salmos 90:10

Canchisë shonca piꞌíchin nanpiraiso nanirin. Chiníquënoꞌsasoꞌ, posa shonca nanipi. Ina nápo piꞌipi nanpitona nipaꞌyatopi. Napopirinahuëꞌ, naꞌcon naꞌcon sacai nipi. Naporahuatonaꞌ, aꞌnapitarinta amipi. Naporápirinahuëꞌ, aꞌnaroáchin tahuëri naꞌhuëhuachina, chiminapi anta huachi.

Hebreos 5:14

Chinotonoꞌsaso nipirinhuëꞌ, cosharomia caꞌpi. Inapochachin noya noya imapisopitasoꞌ noꞌtëquën yonquiapi. Noya nicacasoꞌ noꞌquitonaꞌ, co noyahuëꞌ nininsoꞌ aꞌnaroáchin aꞌporapi.

1 Pedro 2:3

“Siniorosoꞌ noya,” taꞌtomaꞌ, nani imaramaꞌ. Cosharoꞌ piꞌnirëso pochin piꞌpian nohuitëramaꞌ. Naꞌcon naꞌcon ina nohuitocoꞌ.