2 Samuel 19:32 - Chayahuita (Shahui)

³² Tapi imarinsopitarë chachin Maanainquë yaꞌhuasoiꞌ, inari catahuarin. Nani mashoya, posa shonca piꞌipitaponahuëꞌ, yaꞌipiya capacaiso inari quëtërin. Paꞌpi maꞌhuan niꞌton, ina nápo nipirinhuëꞌ, ananitërin.

2 Samuel 19:32 ပူးပေါင်းရင်းမြစ်များ

Génesis 25:7

Apraanso yaꞌipiya quëran, pasa canchisë shonca aꞌnatërápo piꞌi icanin.

Génesis 47:28

Cacoposo shonca canchisë piꞌipi, Iquipitoquë yaꞌhuëantarin. Yaꞌipiya quëran pasa catapini shonca canchisë piꞌi icanin.

Génesis 5:27

Yaꞌipiya quëran Matosarinosoꞌ, iscon pasa saota shonca iscon piꞌi icanin. Ina quëran chiminin huachi.

Génesis 50:26

Pasa shonca piꞌipitasoꞌ, Cosi Iquipitoquë chiminin. Chiminpachina, nonën ama chanatacaso marëhuë taparahuatonaꞌ, aꞌna atahuaroquë poꞌmopi. Ina pochin Cacopo huiꞌninpita nipi.

Génesis 9:29

Yaꞌipiya quëran iscon pasa aꞌnatërápo shonca piꞌi icanin. Ina piquëran chiminin huachi. Ina pochin Noi ninin.

2 Samuel 19:33

Panantacaso marëꞌ nontahuachina, copirnori itapon: —Huëquë Quirosarinquë paꞌa. Inaquë carinquën niꞌsaranquën huachi, itërin.

Mateo 25:17

Cato huaranca quëtërinsontaꞌ noya sacatërin. Inantaꞌ maꞌsha paꞌanahuaton, cato huaranca aquëtëꞌ canantarin.

Deuteronomio 34:7

Pasa cato shonca piꞌipitapasoꞌ chiminin. Chini mashorapaso niꞌton, co yaꞌpirionta sanpachátërapirinhuëꞌ naporin.