2 Samuel 19:30 - Chayahuita (Shahui)

³⁰ —Yaꞌipi inari machaꞌin. Co ina naꞌcon naꞌcon yonquirahuëꞌ. Noya huënantaton, huaꞌanëntaantarancoi niꞌton, ina marëꞌ tëhuënchinsoꞌ noya noya cancantërahuë, itërin Mihui-posiri.

2 Samuel 19:30 ပူးပေါင်းရင်းမြစ်များ

2 Samuel 1:26

¡Quëma marëꞌ paꞌpi sëtërahuë taꞌa! Quëmasoꞌ iyahuëmiáchin pochin ninan. Nanpisënquën noya noya nipayarëꞌ. Sanapisoꞌ quëmapi chinpitohuachina, paꞌpi nosororin. Quëmasoꞌ inapita quëran naꞌcon naꞌcon nosororanco.

2 Samuel 19:18

Pëntoinantaquëchin pëntonatonaꞌ, aquëtëran Tapi ninapi. Saꞌinpita, huiꞌninpita, inapitarë chachin huëꞌpachina catahuacaiso marëꞌ napopi. Canquihuachinara, copirnori noya niꞌcaso marëꞌ pëntoinanquë catahuamiatopi. Inaora chachin yapëntonahuasoꞌ, Simiiri noya nicaton, noꞌpaquë huarëꞌ monshorin quëran mosharin.

2 Samuel 19:29

—Nani natananquën. Co huachi aquëtë nonacaso yaꞌhuërinhuëꞌ. Nani Sipa yaꞌipi Saonocoꞌ noꞌpanën quëtërahuë. Quëtopirahuëꞌ, iporasoꞌ camaitaantapo quëmarë nipatomatacasoꞌ, itërin copirnori.

2 Samuel 19:31

Carataquë yaꞌhuërinso Parsirai itopisontaꞌ, Noquirin ninano quëran copirno chiꞌyaimarin. Cortaniiꞌ apëntontacaso marëꞌ chiꞌyaimarin. Naporahuaton inaquë nontaton panantacaso marëꞌ naporin.

2 Samuel 9:9

Napotopirinhuëꞌ, copirnoriso Sipa amatahuaton itapon: —Saonocoꞌ noꞌpanën, maꞌshanënpita, inapita Mihui-posi quëtarahuë.

Hechos 20:24

Yatëpapirinacohuëntaꞌ, co casoꞌ tëꞌhuatërahuëꞌ. Co ina yonquirahuëꞌ. Sinioro Quisoso natëaꞌhuasoáchin cancantërahuë. Iráca ina shaꞌhuitërinco aꞌchinaꞌhuaso marëꞌ. ‘Yosëri yaꞌipi piyapi nosoroaton, anoyacancantacasoꞌ nohuantërin. Ina noya nanan chachin aꞌchintonquëꞌ,’ itërinco. Napoaton paato, aꞌchintárahuë. Co chiminaꞌhuasoꞌ tëꞌhuatërahuëꞌ.

Filipenses 1:20

Co nohuantërahuëꞌ piꞌpian tërantaꞌ Yosë naniantaꞌhuasoꞌ. Inasoꞌ noyasáchin yonquirinpoaꞌ niꞌton, co atapanarincohuëꞌ, tënahuë. Coisë ocoiaponco nimara. Tëpaponco nimara. Co ina nitotërahuëꞌ. Co ina yonquirahuëꞌ. Ocoihuachinco, chiníquën cancantato, aꞌchiantarahuë aꞌnapitantaꞌ imacaiso marëꞌ. Tëpahuachinaco, piyapiꞌsaꞌ nicatonaco, naꞌcon naꞌcon Quisocristo yonquiaponaꞌ, tënahuë. Quisocristo natëcaꞌhuasoráchin yonquirahuë.