2 Samuel 19:27 - Chayahuita (Shahui)

²⁷ Naporahuaton, quëmaquë nonpinapirinco: “Iporacha tëhuënchinsoꞌ tata mashoco Saono pochin israiroꞌsa copirnonëna nicaꞌhuaso marëꞌ acoaponaco, tënin” taꞌton nonpinapirinco. Nonpinapipirincohuëꞌ, co tëꞌhuatërahuëꞌ. Quëmasoꞌ Yosë anquëninën pochinquën niꞌton, nitotaran insosona noꞌtëquën noninsoꞌ. Ina nitotaton maꞌsona onpotaancoisoꞌ, yonquiaran.

2 Samuel 19:27 ပူးပေါင်းရင်းမြစ်များ

2 Samuel 16:3

—¿Saonocoꞌ shiin Mihui-posi poꞌ? itaantarin copirnori. —Inasoꞌ, Quirosarinquëranchin quëparitërin: “Iporacha tëhuënchinsoꞌ tata mashoco Saono pochin israiroꞌsa copirnonëna nicaꞌhuaso marëꞌ acoaponaco,” taꞌton yaꞌhuëárin, itërin.

2 Samuel 16:4

—Noyapaꞌ. Yaꞌipi ina huaꞌanëntërinsoꞌ, iporaso quëmaquën nisarin, itërin copirnori. —Ipora tahuëri noya nicatonco catahuamiatëranco. ¡Maꞌcha ina pochachin catahuarárancohuë paya! itërin Sipari. Copirno noya nicaton monshoapon pochin napotërin.

2 Samuel 19:17

Simiisoꞌ huaranca quëmapiꞌsari caꞌtanin. Inapitasoꞌ Mincamin huënton quëmapiꞌsaꞌ. Inapitarë chachin Saonocoꞌ piyapinën Sipantaꞌ, shonca aꞌnatërápo huiꞌninpitarë oꞌmarin. Cato shonca piyapinënpitanta quëmarin. Yaꞌipi inapitasoꞌ, coꞌhuara Tapi Cortaniiquë canquimayátërasohuëꞌ, camapi.

2 Samuel 9:3

—¿Aꞌnaya tëranta Saono quëmopinën yaꞌhuëarin to? Yaꞌhuëapachin shaꞌhuitoco. Yosë niꞌsárinco nosoroarahuë, itërin Tapiri. —Yaꞌhuëarin mini aꞌnara Conatanco huiꞌnin. Inasoꞌ, Mihui-posi itopi. Cato paꞌhuën quëran chachin yamorin, itërin Sipari.

Salmos 15:3

Co pinotacaso yaꞌhuërinhuëꞌ. Co aꞌnapita maꞌsha onpotacaso yaꞌhuërinhuëꞌ.

Éxodo 20:16

Ama piyapi nonpinapicosohuëꞌ.

Jeremías 9:4

Iporasoꞌ amiconëna tëranta co huachi natëcaso yaꞌhuërinhuëꞌ. Iina tëranta co natëchináchinhuëꞌ, niconin. Inahua capini ninonpintápi. Amiconëna nipirinhuëꞌ, nonpinapipi.