2 Samuel 19:19 - Chayahuita (Shahui)

¹⁹ Ina quëran itapon: —Caso piyapinënco nipirahuëꞌ, iꞌhua Quirosarin quëran pipisënquën noꞌhuiranquën. Napoaponahuëꞌ ina naniantaton, ama anaꞌintocosohuëꞌ. Naporahuaton ama huachi ina yonquiquësohuëꞌ.

2 Samuel 19:19 ပူးပေါင်းရင်းမြစ်များ

2 Samuel 19:18

Pëntoinantaquëchin pëntonatonaꞌ, aquëtëran Tapi ninapi. Saꞌinpita, huiꞌninpita, inapitarë chachin huëꞌpachina catahuacaiso marëꞌ napopi. Canquihuachinara, copirnori noya niꞌcaso marëꞌ pëntoinanquë catahuamiatopi. Inaora chachin yapëntonahuasoꞌ, Simiiri noya nicaton, noꞌpaquë huarëꞌ monshorin quëran mosharin.

Salmos 32:2

Oshanënpoa Yosë shaꞌhuitohuatëra, inquitërinpoaꞌ. Inquitërinpoa niꞌton, inaso co piꞌpian tëranta ina yonquirinhuëꞌ.

Isaías 43:25

Inapopiramahuëꞌ, Yosënëmaco niꞌto, paꞌpi co noyahuëꞌ ninamasopita, inquitaranquëmaꞌ. Co yanatëtatomahuëꞌ anoꞌhuitopiramacohuëꞌ, co huachi inapita yonquiarahuëꞌ.

Jeremías 31:34

Co huachi insonta aꞌnapita aꞌchintaponhuëꞌ. Co iin nontaton: ‘Sinioro nohuitëquëꞌ,’ co itaponhuëꞌ. Yaꞌipiya quëran nohuitarinaco. Huaꞌhuishinoꞌsa quëran mashoroꞌsaquë huarëꞌ nohuitarinaco niꞌton, co huachi niaꞌchintaponahuëꞌ. Inapitasoꞌ co noyahuëꞌ nicatona oshahuanpirinahuëꞌ, oshanëna inquitato nanan anoyatarahuë. Ca Sinioroco shaꞌhuitaranquëmaꞌ,” tënin.

Mateo 27:4

—Co huachi iso coriqui nohuantërahuëꞌ. Paꞌpi co noyahuëꞌ ninahuë. Quisoso nóya quëmapi nipirinhuëꞌ, shaꞌhuirapirahuë. Ina marëꞌ oshahuanahuë, itoonin. —¿Maꞌmarëtaꞌ ina shaꞌhuitërancoi? Co quiyasoꞌ ina yonquiraihuëꞌ. Quëma naporansoꞌ, itopi.

2 Corintios 5:19

Yosë nohuanton, huiꞌnin chiminin anoyacancantinpoaso marëꞌ. Anoyacancantohuachinpoaꞌ, co huachi oshanënpoaꞌ yonquirinhuëꞌ, inquitërinpoa huachi. Nani nanan anoyatohuachinpoara, quiyantaꞌ acorincoi paatoi aꞌnapita shaꞌhuitaꞌhuaiso marëꞌ.