2 Samuel 19:13 - Chayahuita (Shahui)

¹³ Naporahuaton apin Amasa itopisonta shaꞌhuitacaiso marëꞌ nanan aꞌpatërin: “Copirno naporin: ‘Quëmasoꞌ quëmopinëhuënquën. Napoaton ipora quëran huarëꞌ yaꞌipi sontaronëhuëpita quëmari camaiapon. Coapo yaꞌhuërënamën napoaran. Coꞌsoꞌ inapotohuatënquënhuëꞌ, Yosë chiníquën anaꞌinchinco, tënin copirno,’ itocoꞌ,” itërin.

2 Samuel 19:13 ပူးပေါင်းရင်းမြစ်များ

Génesis 29:14

Napanori natanahuaton itapon: “Quëmasoꞌ tëhuënchachin quëmopinëhuënquën ninan,” itërin. Cacoposoꞌ Napano pëinënquë aꞌna yoquiraꞌ nani yacapatërin.

2 Samuel 17:25

Apësaronsoꞌ, sontaronënpita huaꞌanën nicacaso marëꞌ Amasa itopisoꞌ acorin. Coapo yaꞌhuërënamën ina acorin. Amasasoꞌ, aꞌnara Ismairo quëmapi huiꞌnin. Inasoꞌ, Itara itopi. Apicairo itopisoꞌ macaton huiꞌnahuaninsoꞌ. Apicairosoꞌ, Naasi huiꞌnin. Naporahuaton Sirohuia cainpain. Nani shaꞌhuitëranquëmaso chachin inasoꞌ, Coapo, Apisai, inapita aꞌshinaꞌ.

2 Samuel 18:11

Napotohuachina: —¡Nani quënanan niꞌquëhuarëꞌ, tëpachinaꞌitonhuëꞌ! Paantarahuaton tëpaontahuatan, noya ancantato shoncatë coriqui prata quëran nininsoꞌ, quëchitënquënhuëꞌ. Ina quëtahuatënquën, chini chiníquën nanantaton camaitacaso marëꞌ, huaꞌan sintoron quëtochinaꞌitënquënhuëꞌ, itërin.

2 Samuel 5:1

Ina piquëran, yaꞌipi Israiro ansianoroꞌsa Ipronquë paꞌpi. Inaquë Tapi quënanconahuatonaꞌ, itaponaꞌ: “Canpoasoꞌ, israiroꞌsanpoaráchin.

1 Reyes 19:2

Ina natanahuaton Quisapirasoꞌ, Iniasë shaꞌhuitacaso marëꞌ aꞌnara comision aꞌparin: “Naporin Quisapira: ‘Quëmasoꞌ Paaro marëꞌ pënëntonaꞌpiroꞌsa acorahuësoꞌ, atëpatëran. Napoaton carionta atëpataꞌhuanquënso yaꞌhuërin. Tashiraya ipora pochin atëpatëransopita pochin nitaranquën. Coꞌsoꞌ inapotohuatënquënhuëꞌ, mamanshiroꞌsa chiníquën anaꞌinchinaco,’ tënin,” itërin.

Rota naporinso' 1:17

Intohuasoꞌ chiminpatan, inaquë canta chiminpato paꞌpichinaco. Coꞌhuara chiminyátërapohuëꞌ patohuatënquënsoꞌ, Sinioro chiníquën anaꞌinchinco, itërin.