2 Samuel 18:27 - Chayahuita (Shahui)

²⁷ Naquëranchin aꞌpainaꞌpi sontarosoꞌ, copirno shaꞌhuitaantarin: —Taꞌarin quëran nohuitërahuë. Yaꞌnan huëꞌsarinsosoꞌ, Satoco huiꞌnin Aimasë tënahuë, tënin. —Inasoꞌ, noya quëmapi. Co nisha nisha cancantërinhuëꞌ. Noya nanan quëshiarinpoa ipora, tënin copirnontaꞌ.

2 Samuel 18:27 ပူးပေါင်းရင်းမြစ်များ

1 Reyes 1:42

Napoaso chachin Apiataro corto huaꞌan huiꞌnin Conatan itopisosoꞌ canquirin. Canquihuachina Atoniasëri itapon: —Huëquëꞌ. Quëmasoꞌ chiníquën nanantëran. Noya nanan ipora quëshiarancoi, itërin.

Isaías 52:7

¡Ma noyacha niꞌton, motopiaꞌhuaroꞌsataquëchin noya nanan shaꞌhuitaponpoa canquiarin paya! Sinioro nichaꞌërinpoa niꞌton, sano yaꞌhuëarihua huachi. Quirosarinquë yaꞌhuëpisopita itapon: “Yosë chinotëramasoꞌ, copirno yaꞌconin huachi,” tosarin.

Romanos 10:15

Co Yosëri aꞌchinaꞌpiroꞌsaꞌ aꞌpahuachinhuëꞌ, ¿onpo nitotaponataꞌ? Yosë quiricanën quëran naporin: “Ma noyacha niꞌton, noya nanan shaꞌhuitaonpoaꞌ huëꞌsarin paya,” tënin.