2 Samuel 18:18 - Chayahuita (Shahui)

¹⁸ Inaso nanpipon, piyapinënpita camairin aꞌnara panca raꞌpi ahuanicaisoꞌ. Napotohuachina inapitasoꞌ, copirno motopiana itopiquë ahuanipi. Ahuanirahuatonaꞌ, ina nininënquë nohuitopi. Inasoꞌ, co huachi aꞌnaya tëranta huiꞌnin quëmapi yaꞌhuëtërinhuëꞌ yaꞌhuërëtacaso niꞌton: “Iso naꞌpi ahuanirahuë quëran, yonquiaponaco,” taꞌton naporin. Napoaton iso quirica ninshitasoco huarënta inachachin: “Apësaron naꞌpinën,” itapi.

2 Samuel 18:18 ပူးပေါင်းရင်းမြစ်များ

Génesis 11:4

Ina quëran ninontaantapi: “Huëco chiníquën cancantatëhuaꞌ, ninano ocoiaꞌahuaꞌ. Ina nisahuatëhuaꞌ, aꞌna torinta piꞌiroꞌtëquë huarëꞌ nincaninso niahuaꞌ. Inapoatëhuaꞌ, sacóshin nahuinarihuaꞌ. Naporahuaton, co huachi itohua itohua yanquëcaso yaꞌhuaponhuëꞌ,” nitopi.

Génesis 11:9

Inaquë chachin Siniorori, yaꞌipi piyapiꞌsa nonpiso anishatërin. Ina quëran chachin, yaꞌipi isoroꞌpaquë ayanquëërin. Napoaton ina ninanosoꞌ, Papiri itopi.

Génesis 14:17

Apransoꞌ Quitaraomiro canarin. Cara copirno catahuarinsopitarë chachin canarin. Inapita canarahuaton huënantarin. Huëntasoꞌ, Sotoma copirnori nacapirin. Sapi motopianaquë nacapirin. Inasoꞌ, “copirno motopiana,” itopi antaꞌ.

2 Samuel 14:27

Naporahuaton cara huiꞌninpita quëmapiꞌsa yaꞌhuëtërin. Aꞌnara sanapinta noyápiroyanchin yaꞌhuëtërin. Inasoꞌ, Tamara itërin.

1 Samuel 15:12

Tahuëririnquë Samoirosoꞌ anoachin Saono nicapon paꞌnin. Coꞌhuara quënayántëraponhuëꞌ aꞌnaquëni itapon: “Saonosoꞌ Carmiro ninanoquë paꞌnin. Inaquë aꞌnara panca raꞌpi ahuanirin. Ina nicatona piyapiꞌsari noya niꞌcaiso marëꞌ ahuanirin. Inaporahuaton Quiricaroquë paꞌmantacaso marëꞌ tahuimarin,” itërin.