2 Samuel 18:14 - Chayahuita (Shahui)

¹⁴ —Co nonsápatë tahuëri chiniacaso yaꞌhuërinhuëꞌ, itërin Coapori. Napotahuaton cara huaꞌnaroaꞌhua manin. Ina masahuaton Apësaron paaparin. Inasoꞌ, inaquëranchin huëntënárin quënanconin. Quënanconahuaton cara huaꞌnaroaꞌhuaquë chachin ninopinëntaquëchin tëꞌyanantaton, papitërin.

2 Samuel 18:14 ပူးပေါင်းရင်းမြစ်များ

2 Samuel 12:10

Ina macaton nocananco niꞌquëhuarëꞌ, co huachi huiꞌnanpita noyasha yaꞌhuëapihuëꞌ. Itohuara capini maꞌsha nionpotáponaꞌ.

2 Samuel 14:30

Napohuachina Apësaronsoꞌ, piyapinënpita camairin: —Niꞌquëꞌ. Coapo iminën caquën pirayan yaꞌhuërin. Sipataráchin shaꞌninsoꞌ nani cayarin. Paatoma ina iꞌchinpitocoꞌ, itërin. Natanahuatonaꞌ, inahuaso iꞌchinpitonpi.

2 Samuel 18:15

Inapotohuachina Coapo catahuarinsopita shonca sontaroꞌsari tancapitatona tëpaihuarëꞌ nitopi.

2 Samuel 18:5

Sontaroꞌsa coꞌhuara pipiyátërasoihuëꞌ, Tapisoꞌ Coapo, Apisai, Itai, inapita camairin: “Noya nicatomaco natëhuatamacosoꞌ, ama Apësaron maꞌsha onpotocosohuëꞌ,” itërin. Yaꞌipi sontaroꞌsa natantonënquë inapita huaꞌanoꞌsa napotërin.

2 Samuel 19:1

Tapi Copirno huiꞌnin marëꞌ sëtaton naꞌnërinsoꞌ natantatonaꞌ, aꞌnaquëni Coapo shaꞌhuitapona paꞌpi.

2 Samuel 19:11

Ina pochin nonpisoꞌ, yacapatërinso ninanoquë Tapi nataantërin. Ina natantaton, corto huaꞌanoꞌsaꞌ, Satoco, Apiataro, inapita nanan aꞌpatërin. Iso pochin taꞌcaso aꞌpatërin: “Cota huënton ansianoꞌsa nontooncoꞌ. Naporin Tapi: ‘Manóton pëinëhuëquë panantato, huaꞌanëntaantaꞌhuaso catahuainaco. Aꞌnapita israiroꞌsasoꞌ, nani yonquiapi Quirosarinquë quëpanantainacosoꞌ. Canpoasoꞌ, ina huënton quëransáchin nicarihuarahuëꞌ, co inapita pochin yonquiramahuë niꞌton, tapanamaso yaꞌhuërin, tënin,’ itocoꞌ,” itërin.

Salmos 37:35

Aꞌnaquën inpioroꞌsa noya yaꞌhuëatonaꞌ, aꞌnapita nocanpi. Nara panca taꞌahuaninso pochin noya noyatopi.

Mateo 12:40

Iráca Conasë marëquë tëꞌyaitohuachinara, panca sami pochin nininsoari miꞌtërin. Cara tahuëri tashirë chachin inaquë yaꞌhuapirinhuëꞌ. Ina quëran Yosë nohuanton, chaꞌërin. Inapochachin cantaꞌ Yosë quëran quëmapico niꞌto, chiminpato, cara tahuëri tashirë chachin acoporoꞌ yaꞌhuaporahuëꞌ, chaꞌësarahuë huachi.

1 Tesalonicenses 5:3

Co imapisopitasohuëꞌ oꞌmantacasoꞌ tahuëri co yonquipihuëꞌ. “Noya yaꞌhuarëhuaꞌ, co mantaꞌ onpoarihuahuëꞌ,” topirinahuëꞌ. Aꞌnanaya chiníquën anaꞌintacasoꞌ naniarin, co chaꞌësapihuëꞌ. Sanapi yahuaihuachina, onporosona iquitacasoꞌ co nitotërinhuëꞌ. Aꞌnanaya iquitërin. Inapochachin aꞌnanaya Yosëri anaꞌintarin.

Jueces 4:21

Sisarasoꞌ paꞌpi canotaton inaquëranchin huëꞌërin. Huëꞌëton noyá huaꞌcotërin. Ina niꞌsahuaton Cairiso panca marticho manin. Nëꞌmëtë pëi achinicaso marëꞌ tachinara paintopisonta manin. Inapita masahuaton oshaquëran paaparin. Monshorahuaton, huëratëanain pirayan nara paintopiquë paquëëtërin. Inapotërinquëranchin ahuëantaton papitërin. Ina pochin Sisara chiminin.

Jueces 5:26

Inapotaponahuëꞌ, ahuënan quëran tachinara paintopinan manin. Inchinan quëraontaꞌ, panca marticho manin. Inaquë huëratëanain pirayan paquëëtahuaton, canca cancatarin.

Jueces 5:31

Ina pochin mini Sinioro yaꞌipi inimiconënpita taꞌhuanchinaꞌ. Nosororinënquënsopitaso nipirinhuëꞌ, huënaráchin huënaráchin yaꞌnoinaꞌ. Camotëchin piꞌi huënaratërinso pochin yaꞌnoinaꞌ, topi cantatonaꞌ. Naporo quëran huarëꞌ israiroꞌsa catapini shonca piꞌi noya yaꞌhuëantapi.