2 Samuel 17:8 - Chayahuita (Shahui)

⁸ Nani quëmasoꞌ tataparin nohuitëran. Inasoꞌ, piyapinënpitarë chachin chiníquën cancantonaꞌpiroꞌsaꞌ. Apiramiachin inahuasoꞌ, paꞌpi noꞌhuitapi. Tocani paya huaꞌhuinpita matopiso pochin cancantapi. Naporahuaton tatasoꞌ ahuëton nichinapon chachin nani tantiarin inimiconënpitari ahuëcaisoꞌ. Inapo yonquiaton tashisoꞌ, co piyapinënpitarëꞌ huëꞌëponhuëꞌ.

2 Samuel 17:8 ပူးပေါင်းရင်းမြစ်များ

2 Samuel 15:18

Sontaro huaꞌanoꞌsanënpitantaꞌ, ina pirayan chiniconpi. Quiritoroꞌsaꞌ, piritoroꞌsaꞌ, inapitaso copirno aꞌpainaꞌpiroꞌsaꞌ. Inapitasoꞌ saota pasa sontaroꞌsa Cato ninano quëran huëꞌpisopitarëꞌ naꞌhuëatonaꞌ, quëchitapi.

2 Samuel 17:9

Nani ipora apiramiachin inso motopi naninquë tërantaꞌ, naꞌpiarin. Onpopinquëhuë nipon nisarin. Ipora ahuëtasoi chachin, inapitari quëma sontaronënpita tëpaapi. Tëparahuachina aꞌnaroáchin quëma sontaronënpitasoꞌ: “Nanichi canarinënpoa paya,” tosapi.

2 Reyes 2:24

Napotohuachinara, Irisiori tahuërëtahuaton co noyahuëꞌ niꞌnin: “Napotëramacoso marëꞌ Sinioro co noyahuëꞌ niꞌninquëmaꞌ. Napoaton ama huachi noya yaꞌhuëcamaso marëhuëꞌ, shaꞌhuichinquëmaꞌ,” itërin. Itahuaton pataso chachin, cato tocaniꞌ yaꞌnorin, catapini shonca cato huaꞌhuaroꞌsa oqui oquitahuatonaꞌ, tëpapi.

Daniel 7:5

Ina piquëran niantarinsosoꞌ, tocani pochin yaꞌnorin. Inasoꞌ huanihuachina, aꞌnatëran inapamiachin huanirin niꞌton, aꞌnatëranso tahuanin. Cara maꞌsha nininpitëꞌ, naquërin niꞌnahuë. Naporahuaton: ‘¡Paaton onponta nosha caꞌquëꞌ!’ itopi natanahuë.

Oseas 13:8

Tocaniꞌ huaꞌhuinpita ayataton paaso piyapi quënanpachina, tëparin. Inapotahuaton ninopinën paꞌsa paꞌsatërin. Inapochachin carinquëmantaꞌ, nitaranquëmaꞌ. Paꞌpininta mapintohuachina, mapinën inaranchin pëꞌyarinso pochin nitaranquëmaꞌ. Maton maꞌshantaꞌ, mapinën paꞌsa paꞌsatërin. Inapochachin carinquëmantaꞌ, israiroꞌsanquëma ataꞌhuantaranquëmaꞌ. Co insonta paꞌpoyaponquëmahuëꞌ.

1 Samuel 16:18

Napotohuachina aꞌnara piyapinëni itapon: —Quisi Pirinquë yaꞌhuërinsoꞌ, aꞌnara huiꞌnin arpa noya piꞌnirin. Inasoꞌ, chiníquën cancantaton míso ahuëtërin. Noya yonquiaton nonin. Noyapin noyapin niꞌtërin. Siniorori naꞌcon catahuarin. Naporin. Inasoꞌ nininën Tapi, itërin.

1 Samuel 17:50

Inapotaton Tapiri Coriato canarin. Naꞌpira aꞌparinquëáchin nipirinhuëꞌ, acohuachina, nitëpatëpatarin. Tapisoꞌ co sahuënihuanhuë niꞌton, yaꞌcariconin. Yacariconahuaton inaora sahuëninën chachin ocoitahuaton, tëpachanin. Ina piquëran nishitëconotërin. Aꞌnapita huiristino sontaroꞌsasoꞌ chini chiníquën sontaronëna chimininso niꞌpi. Ina nicatona taꞌapi huachi.