2 Samuel 17:23 - Chayahuita (Shahui)

²³ Aitohuirosoꞌ: “Noꞌtëquën pënënpirahuëꞌ, co Apësaron natërincohuëꞌ. Co natërincohuëꞌ niꞌquëhuarëꞌ, paꞌpini canapon,” tënin. Ina yonquiaton moranën taparin. Inaquë yaꞌmitëahuaton huaꞌhuatërinso ninanoquë paꞌnin. Canconahuaton quëmopinënpita, piyapinënpita, inapita nontërin. Maꞌpitaso nicacaisoꞌ camaitërin. Inaporahuaton, noninquë nihuënquëconorin quëran chiminin. Napohuachina, inanta paꞌpincoꞌ poꞌmopiquë chachin poꞌmoontapi.

2 Samuel 17:23 ပူးပေါင်းရင်းမြစ်များ

2 Samuel 15:12

Naporahuaton Aitohuiro itopisonta amatërin. Inasoꞌ, copirno ayonquinaꞌpi. Quiro ninano itopiquë yaꞌhuërin. Maꞌsha Yosë marëꞌ tëparinso aꞌnosoꞌ, caꞌtanacaso marëꞌ amatërin. Napotohuachina inarinta imarin. Inapoatona naꞌcon naꞌcon israiroꞌsa Apësaron imasapi. Ina naꞌcon naꞌcon imatona chini chiníquën nanantapi huachi.

2 Samuel 15:31

Aꞌnari Tapi shaꞌhuitërin: “Aitohuironta Apësaron catahuarin,” itërin. Ina natanaton, inaso Sinioro nontërin: “Aitohuirori maꞌsona nicacasoꞌ, Apësaron ayonquiarin. Ayonquihuachin, quëma nohuanton ama natëinsohuëꞌ,” itërin.

2 Samuel 16:23

(Naporo tahuëriꞌsa Aitohuiro maꞌsona nicacaisoꞌ natanpanchinara, pënënin. Pënënpachin, Yosë shaꞌhuirinso pochachin nitopi. Ina pochin Aitohuiro natëpi. Tapirinta natërin. Apësaronta natërin.)

2 Samuel 17:22

Napotohuachinara, inaso piyapinënpitarë chachin tashi nipirinhuëꞌ, Cortaniiꞌ pëntontopi.

Copo naporinso' 31:3

¡Co noyahuëꞌ nicatona oshahuanpisopita, Yosëri co noyahuëꞌ niꞌnin!

Mateo 27:5

Napotohuachinara, Yosë chinotopiso pëiquë chachin coriqui tëꞌyatonahuaton, pipirin. Paꞌsahuaton, nihuënquëconorahuaton, nitëparin.