2 Samuel 17:22 - Chayahuita (Shahui)

²² Napotohuachinara, inaso piyapinënpitarë chachin tashi nipirinhuëꞌ, Cortaniiꞌ pëntontopi.

2 Samuel 17:22 ပူးပေါင်းရင်းမြစ်များ

2 Samuel 17:21

Sontaroꞌsa paꞌpachinara, cato yaꞌpiso pipipi. Taꞌarëꞌnachin paꞌsahuatonaꞌ, Tapi shaꞌhuitomapi: “Aꞌnaroáchin Cortaniiꞌ pëntontocoꞌ. Aitohuirori nani Apësaron tëpainquënso marëꞌ pënënin,” itopi.

2 Samuel 17:23

Aitohuirosoꞌ: “Noꞌtëquën pënënpirahuëꞌ, co Apësaron natërincohuëꞌ. Co natërincohuëꞌ niꞌquëhuarëꞌ, paꞌpini canapon,” tënin. Ina yonquiaton moranën taparin. Inaquë yaꞌmitëahuaton huaꞌhuatërinso ninanoquë paꞌnin. Canconahuaton quëmopinënpita, piyapinënpita, inapita nontërin. Maꞌpitaso nicacaisoꞌ camaitërin. Inaporahuaton, noninquë nihuënquëconorin quëran chiminin. Napohuachina, inanta paꞌpincoꞌ poꞌmopiquë chachin poꞌmoontapi.

2 Samuel 17:24

Apësaronsoꞌ, Israiro sontaroꞌsa ayontonin. Ayontonahuaton Tapi ahuëcaso marëꞌ imarin. Naporahuaton sontaronënpitarë chachin Cortaniiꞌ pëntontërin. Naporoꞌ Tapinta piyapinënpitarë chachin, Maanain ninanoquë canconpi. Inaso ninanoꞌ, pairahuan.

Salmos 42:6

Ina pochin cancantato Yosë nontërahuë: “Cortaniiꞌ huiꞌnirai parti Irmon motopi yaꞌhuërin. Nisaro motopinta yaꞌhuërin. Ina parti yaꞌhuëato, pënsha yatacopirinso pochin cancantërahuë. Napoaton Sinioro naꞌcon yonquiaranquën.

Mateo 10:16

Ina quëran itaantarin: “Niꞌcoꞌ iyaroꞌsaꞌ. Ohuicaroꞌsaꞌ co nanitopihuëꞌ niaꞌpaicaisoꞌ. Aꞌnaroáchin huëntonën niꞌniroꞌsari mapi. Aꞌchintohuatamaꞌ, aꞌnaquën piyapiꞌsaꞌ niꞌniroꞌsa pochin cancantatonaꞌ, noꞌhuiarinënquëmaꞌ. Napoaton noya yonquicoꞌ. Noꞌhuipirinënquëmaontaꞌ, ama noꞌhuicosohuëꞌ. Noya cancantatomaꞌ, sanoanan quëran nontocoꞌ.

Juan 18:9

Achin Yosë nontaton, itërin: “Quëma nohuanton, isopita imasarinaco. Noya aꞌpaiarahuë. Co aꞌnaya tërantaꞌ aꞌpoarinacohuëꞌ,” itërin. Ina nanicaso marëꞌ: “Tananpitocoꞌ paꞌinaꞌ,” itërin.