2 Samuel 17:20 - Chayahuita (Shahui)

²⁰ Apësaron sontaronënpita canquirahuatonaꞌ, sanapi natanpi: —Aimasë, Conatan, inapita yonisarai. ¿Co quëmari niꞌnanhuëꞌ? itopi. —Isëchin mini naꞌhuëpi. Iꞌ parti paꞌmapi pora, itërin sanapiri. Napotohuachina, yonípona paꞌpi. Yonisápirinahuëꞌ, co quënanpachinaraihuëꞌ Quirosarinquë paantapi.

2 Samuel 17:20 ပူးပေါင်းရင်းမြစ်များ

2 Samuel 15:34

Quirosarinquë tëhuëchinsoꞌ paantaquëꞌ. Inaquë paꞌsahuaton Apësaron iso pochin nontëquëꞌ: “Caso quëma piyapinënco nisarahuë. Tata catahuarahuëso pochachin quëmanta catahuainquën,” itëquëꞌ. Napotohuatan, ina piyapinën nicacaso marëꞌ nohuantarinquën. Inapoaton Aitohuirori maꞌsona nicacaso marëꞌ ayonquihuachin, quëmarisoꞌ nisha ayonquiquëꞌ.

Éxodo 1:19

—Coꞌta israironoꞌsasoꞌ, co iquipitoronoꞌsa pochinhuëꞌ. Chiníquënoꞌsa niꞌton, coꞌhuara quiya canshátërasocoihuëꞌ, inahuara huaipi, itopi.

Levítico 19:11

Ama ihuatocosohuëꞌ. Ama nonpincosohuëꞌ. Naporahuaton, ama ninonpintocosohuëꞌ.

Jueces 4:20

Naporoꞌ Sisarari itapon: —Nëꞌmëtë pëinën yaꞌcoanaquë huanitaquëꞌ. Inso tëranta huëcaton: “¿Insha tëranta isëquë yaꞌhuërin? topachina: ‘Capa co yaꞌhuërinhuëꞌ,’ itëquëꞌ,” itërin.

1 Samuel 21:2

Napotohuachina: —Copirno maꞌsha nicaꞌhuaso camayatonco itërinco: “Maꞌmarësona aꞌparanquënsoꞌ, ama insonta nitochinsohuëꞌ,” itërinco. Sontaronëhuëpitaso nipirinhuëꞌ, nani camairahuë insëquësona niquënanaꞌhuaisoꞌ.