2 Samuel 17:16 - Chayahuita (Shahui)

¹⁶ Naporahuaton sontaronënpitarë chachin aꞌnaroáchin Cortaniiꞌ pëntonchinaꞌ. Ama tëpacaiso marëhuëꞌ inapoꞌinaꞌ, itocoꞌ,” itërin.

2 Samuel 17:16 ပူးပေါင်းရင်းမြစ်များ

2 Samuel 15:14

Napotohuachina, inaso sontaro huaꞌanoꞌsa Quirosarinquë yaꞌhuëapiso camairin: —Aꞌnaroáchin paꞌahuaꞌ. Coꞌsoꞌ inapohuatëhuahuëꞌ, Apësaron minsëarinpoaꞌ. Manóton paꞌahuaꞌ. Icantatonpoa yaꞌipi iso ninanoquë yaꞌhuërëhuaso sahuëniquë tëpahuachinpoaꞌ, itërin.

2 Samuel 15:28

Napoasëmaꞌ, Cortaniiꞌ yaꞌcariꞌ inotëro nininquë ninaranquëmaꞌ. Ninanoquë maꞌsona onporapisoꞌ anitotamacoso marëꞌ, inaquë ninaranquëmaꞌ. Ina piquëran Cortaniiꞌ pëntontarahuë, itërin.

2 Samuel 15:35

Satoco, Apiataro, inapitaso inaquë nisapi. Nani inapita shaꞌhuitërahuë maꞌsona onpocaisoꞌ yonquihuachinaꞌ, shaꞌhuitiinacoso marëꞌ. Napoaton quëmari inapita shaꞌhuitaran, maꞌsona Apësaron onpotiincoso yonquirinsoꞌ.

1 Corintios 15:54

Nisha nonënpoaꞌ quëtohuachinpoaꞌ, nanpiantarihuaꞌ. Yosë quiricanën quëran ninoton, naporin: “Aꞌna tahuëri Yosëri chimirin minsëarin. Co huachi chiminacasoꞌ yaꞌhuaponhuëꞌ.

2 Corintios 5:4

Iporasoꞌ isoroꞌpaquë yaꞌhuatëhuaꞌ, co chinirëhuahuëꞌ, sëtërëhuaꞌ, naporëhuaꞌ. Napopirëhuahuëꞌ, co chiminacasoꞌ nohuantërëhuahuëꞌ. Nasha nonënpoaꞌ tëhuënchinsoꞌ naꞌcon nohuantërëhuaꞌ. Isoroꞌpaquë taꞌhuantopirëhuahuëꞌ, Yosëꞌpaꞌ noya noya nanpimiatarihuaꞌ.

1 Samuel 20:38

Naquëranchin piyapinën shaꞌhuitaantarin: —¡Manóton taꞌaquëꞌ! itaantarin. Napotohuachina huiꞌnapisoꞌ, shinërë maconahuaton huaꞌanën quëpataantarin.