2 Samuel 17:13 - Chayahuita (Shahui)

¹³ Pairahuan ninanoquë chaꞌëcaso marëꞌ yaꞌconpirinhuëꞌ tërantaꞌ, poꞌtarihuaꞌ: Yaꞌipi Israiro sontaroꞌsanpoa noninoꞌsa quëparihuaꞌ. Aꞌnaya aꞌnaya quëran ina ninano naꞌpinënpita ohuaratëhuaꞌ, iꞌquë huarëꞌ tëꞌyaitarihuaꞌ. Inapotohuatëhuaꞌ, co aꞌna naꞌpi tëranta inaquë yaꞌhuëaponhuëꞌ naꞌpicasoꞌ, itërin.

2 Samuel 17:13 ပူးပေါင်းရင်းမြစ်များ

2 Samuel 17:14

Apësaron, Israiro ansianoꞌsaꞌ, inapitaso Osai naporinso natanpi. Ina natanatonaꞌ: “Osaicha, Aitohuiro quëran noya noya pënëninpoa paya,” topi. Aitohuirori noꞌtëquën pënënpirinhuëꞌ, Sinioro nohuanton co ina imapihuëꞌ. Tapiri, Apësaron canacaso marëꞌ naporin.

Miqueas 1:6

Napoaton Sinioro naporin: “Ca nohuanton Samaria ninano taꞌhuantohuachin, naꞌpiroꞌsaraꞌ yamorápon. Inaquë chachin opa shacatona oparotaponaꞌ. Naꞌpinënpitantaꞌ, motopianaquë paꞌsa paꞌsatapo. Ninanonëna pairapicaiso marëꞌ simintonën acopisontaꞌ, ayaꞌnoarahuë.

Mateo 24:2

—Iporasoꞌ yaꞌipiya noyápiachin niꞌpiramahuëꞌ, aꞌna tahuërisoꞌ yaꞌipiya ohuatapi. Co aꞌna naꞌpiya tërantaꞌ niyaꞌhuiritarinhuëꞌ, itërin Quisosori.