2 Samuel 16:9 - Chayahuita (Shahui)

⁹ Naporoꞌ Sirohuia huaꞌhuin Apisai itopisori, copirno itapon: —Paso piyapi co máquënhuëꞌ. ¡Co ina pochin noꞌhuiinquënso yaꞌhuërinhuëꞌ! ¡Apiramiachin paꞌsahuato nishitëconochi! itërin.

2 Samuel 16:9 ပူးပေါင်းရင်းမြစ်များ

2 Samuel 19:21

Naporoꞌ Apisaisoꞌ, tapon: —Quëmasoꞌ sinioro copirno Sinioro chachin huayoninquën. Ina nipiranhuëꞌ, Simii noꞌhuitënquën naꞌinpiro ninin. ¡Chiminacaso yaꞌhuërin tënahuë casoꞌ! tënin.

2 Samuel 19:22

Apisai napopirinhuëꞌ, Tapisoꞌ Coaponta itapon: —Canpitaso Sirohuia huaꞌhuinpitanquëmaꞌ. Catonquëma chachin yaiꞌhuërëtatoma naporamaꞌ. Caso nipirinhuëꞌ, co ina pochin yonquirahuëꞌ. Ca mini Israiro copirnocosoꞌ. ¡Napoaton canpitasoꞌ, co nisha camaitamaso yaꞌhuërinhuëꞌ! Co nohuantërahuëꞌ ipora tahuëri aꞌna Israiro quëmapi tëranta chiminacasoꞌ, itërin.

2 Samuel 9:8

Napotohuachina, inariso mónsho taantarahuaton: —Caso piyapinënco. Co máquëncohuëꞌ niꞌto, ina pochin catahuaancoso co inashitërahuëꞌ. ¡Niꞌnira chimipitë pochinco niꞌto, co maꞌmarë tëranta paꞌtërahuëꞌ! itërin.

Lucas 9:54

Ina marëꞌ Santiaco, Coansha, inapita noꞌhuitopi. —¿Maꞌtaꞌ Sinioro onpochii? Yosë nonchii inápa quëran pën aꞌpaimaton isopita ahuiquichin topiraihuëꞌ, itopi.

Hechos 23:5

—Coꞌchi iyaroꞌsaꞌ nohuitatorahuëꞌ, naporahuë paya. Tëhuënchachin Yosë quiricanën quëran pënëninpoaꞌ. “Co huaꞌanënpoaꞌ nonapicasoꞌ yaꞌhuërinhuëꞌ,” tënin, itërin Paonori.

1 Pedro 2:17

Yaꞌipi piyapiꞌsaꞌ noya nontocoꞌ. Imaramasopita capini noya ninosorocoꞌ. Yosë tëꞌhuatatomaꞌ, noꞌtëquën natëcoꞌ. Copirnontaꞌ noya nicatomaꞌ, natëcoꞌ.

1 Samuel 24:14

Naporahuaton co caso máquëncohuëꞌ. Quëmasoꞌ copirnonquën nichinapon chachin pëinënquë huënsëyarápamaso yaꞌhuërin. Napopirinhuëꞌ, poꞌpin inotëroquë huëcaton tahuëri chiniaran. ¡Niꞌnira chimipitëꞌ, imincara, inapita co onporonta yonirëhuëꞌ! Inapita pochin nipirahuëꞌ, quëmaso yonitonco ainashitáranco.