2 Samuel 16:20 - Chayahuita (Shahui)

^20-21 Ina quëran Apësaroni Aitohuiro natanin: ¿Maꞌta iporasoꞌ niahua huachi? itërin. Napotohuachina, inariso pënënin: —Insoari tëranta copirno saꞌinpita tëcarihuachina: “Copirno yaꞌhuërëtërin huachi,” tënëhuaꞌ. Napoaton tata cosonanënpita inapotëraꞌpiaquëꞌ. Inapitasoꞌ pëi aꞌpaicaiso marëꞌ patërin. Inapohuatan yaꞌipi israiroꞌsaꞌ: “Inaporin niꞌton, iporasoꞌ paꞌpini, tëhuënchachin co huachi quëꞌyaponhuëꞌ,” tosapi. Napoatona quëmasáchin cancantaponën huachi, itërin.

2 Samuel 16:20 ပူးပေါင်းရင်းမြစ်များ

2 Samuel 15:12

Naporahuaton Aitohuiro itopisonta amatërin. Inasoꞌ, copirno ayonquinaꞌpi. Quiro ninano itopiquë yaꞌhuërin. Maꞌsha Yosë marëꞌ tëparinso aꞌnosoꞌ, caꞌtanacaso marëꞌ amatërin. Napotohuachina inarinta imarin. Inapoatona naꞌcon naꞌcon israiroꞌsa Apësaron imasapi. Ina naꞌcon naꞌcon imatona chini chiníquën nanantapi huachi.

2 Samuel 16:19

Naporahuaton Amiconëhuë huiꞌninquën. Napoaton, noya ancantato catahuararanquën. Tataparin catahuarahuëso pochachin quëmanta nitaranquën, itërin.

Salmos 2:2

Copirnoroꞌsaꞌ, huaꞌanoꞌsaꞌ, inapita niyontonpi. Sinioro ahuëcaiso marëꞌ nishaꞌhuitapi. Copirno huayoninso tërantaꞌ, co nohuantopihuëꞌ:

Éxodo 1:10

Iporaso ama aquëtë naꞌacaiso marëhuëꞌ, paꞌahua maꞌsona tëranta onpotatëhua yaꞌcopiaꞌahuaꞌ. Coꞌsoꞌ inapotohuatëhuahuëꞌ, aquëtë chachin naꞌaponaꞌ. Inimicoroꞌsa yaahuëpachinënpoaꞌ, ina inahuanta catahuatohuachinaꞌ, minsëarinënpoaꞌ. Inapoatona patohuachinënpoaꞌ, co huachi piyapihuanarëhuahuëꞌ,” itërin.

Isaías 8:10

Onpo ahuëtamaso yonquihuatamantaꞌ, topinan quëran yonquiaramaꞌ. Maꞌsona nicamasoꞌ nonpatamaꞌ, co napoarinhuëꞌ. Yosëso quiyarëꞌcoi chachin yaꞌhuëarin niꞌton, co inapoaramahuëꞌ.

Mateo 27:1

Tahuërianpitohuachina, yaꞌipi corto huaꞌanoꞌsaꞌ, cotio ansianoꞌsaꞌ, inapita napopianachin yonquipi Quisoso atëpatacaiso marëꞌ.