2 Samuel 16:11 - Chayahuita (Shahui)

¹¹ Napotahuaton Apisai, sontaro huaꞌanoꞌsaꞌ, inapita itapon: —Niꞌcoꞌ. Huiꞌnahuë chachin nipirinhuëꞌ, yatëparinco. Aquëtë huarëꞌ Mincamin huënton piyapisoꞌ tëpaincosonta yaꞌhuërin. ¡Tananpitoco noꞌhuiinco! Siniorori ina pochin camaimara.

2 Samuel 16:11 ပူးပေါင်းရင်းမြစ်များ

Génesis 15:4

Siniororiso nipirinhuëꞌ, itapon: —Co ina yaꞌhuërëtaponquënhuëꞌ. Huiꞌnan chachin yaꞌhuërëtaponquën, itërin.

Génesis 45:5

Napotëramacoso marëꞌ ama canpitaora ninoꞌhuicosohuëꞌ. Co canpitaso yonquipiramahuëꞌ, Yosë chachin aquëchitiirinco. Notohuaroꞌ piyapiꞌsa ananpicaso marëꞌ aquëchitërinco.

2 Samuel 7:2

Aꞌna tahuëri inasoꞌ, pënëntonaꞌpi Natan itopisoꞌ nontaton itapon: —Niꞌquëꞌ. Caso nonara nontë pëiquë noya yaꞌhuërahuë. Sinioro caposonënso nipirinhuëꞌ, topinan nëꞌmëtë pëiquë yaꞌhuëarin, itërin.

2 Reyes 19:37

Aꞌna tahuëri Asiria copirnosoꞌ, Nisoroco mamanshi moshapiso pëiquë yaꞌconin. Ina moshaso chachin cato huiꞌninpitari huëcapairahuatona tëpapi. Inapitasoꞌ Atëramirico, Sarisiri, inapita. Paꞌpina tëparahuatonaꞌ, Ararato parti taꞌapi. Chimipicosoꞌ, aꞌnanta huiꞌnin yaꞌhuëtërin Isaraton itërinsoꞌ. Inari paꞌpin yaꞌhuërëtaton, Asiria huaꞌanëntaantarin.

Mateo 10:21

Aꞌnaquën imasarinaco. Aꞌnaquënso nipirinhuëꞌ co nohuantarinacohuëꞌ niꞌton, quëmopinënpita capini ninoꞌhuiapi. Aꞌnaquën iin chachin niponahuëꞌ, shaꞌhuirapiarin tëpacaiso marëꞌ. Aꞌnaquëontaꞌ huiꞌnin niponahuëꞌ, imapachinco, paꞌpini chachin shaꞌhuirapiarin. Aꞌnaquëontaꞌ aꞌshin chachin, paꞌpin chachin niponahuëꞌ, imapachinaco, huiꞌninpitari shaꞌhuirapiapi.