2 Samuel 16:10 - Chayahuita (Shahui)

¹⁰ —Coapo, Apisai, canpitaso Sirohuia huaꞌhuinpitanquëmaꞌ. Noꞌhuirincoso yatëpahuatamaꞌ, co noꞌtëquën yonquiramahuëꞌ. Inasoꞌ, co inaora nohuanton napotërincohuëꞌ, Siniorori camairin niꞌton, napotamarinco. Napoaton naporinso marëꞌ co naꞌininhuëꞌ, itërin.

2 Samuel 16:10 ပူးပေါင်းရင်းမြစ်များ

Génesis 50:20

Canpitaso mini, maꞌsha onpotamacoso yonquipiramahuëꞌ, Yosëso nipirinhuëꞌ, inaporamaso anoyatërin. Ama notohuaroꞌ piyapiꞌsa taquicaiso marëhuëꞌ, inaporin.

2 Samuel 19:22

Apisai napopirinhuëꞌ, Tapisoꞌ Coaponta itapon: —Canpitaso Sirohuia huaꞌhuinpitanquëmaꞌ. Catonquëma chachin yaiꞌhuërëtatoma naporamaꞌ. Caso nipirinhuëꞌ, co ina pochin yonquirahuëꞌ. Ca mini Israiro copirnocosoꞌ. ¡Napoaton canpitasoꞌ, co nisha camaitamaso yaꞌhuërinhuëꞌ! Co nohuantërahuëꞌ ipora tahuëri aꞌna Israiro quëmapi tëranta chiminacasoꞌ, itërin.

2 Samuel 19:23

Ina quëran Simii tahuërëtahuaton itapon: “Yoscoarëꞌ co carinquën atëpataranquënhuëꞌ,” itërin.

1 Reyes 17:18

Huaꞌhuin chiminpachina, inaso Iniasë itapon: —Quëmasoꞌ Yosë nohuanton pënëntëran. ¡Co carinquënsoꞌ, manta onpotëranquënhuëꞌ! Co Yosë natëtohuëꞌ oshahuanahuë. Napoaton ina ayonquiancoso marëꞌ huaꞌhuahuë tëpatëranco. ¡Inapotatonco anaꞌintëranco tënahuë! itërin.

1 Reyes 2:5

Coapo naporinsoꞌ, ama naniantëquësohuëꞌ. Inasoꞌ, cato sontaro huaꞌanoꞌsa tëparin. Niro huiꞌnin Apiniro itopisoꞌton tëparahuaton, Itëra huiꞌnin Amasa itopisonta tëparin. Inapitariso quiraquë ahuëtatona tëpatopirinahuëꞌ, Coaporisoꞌ, ina iꞌhuërëtërin. Napoaponahuëꞌ, co quira tahuëri napotërinhuëꞌ. Topinan tahuëri napotërinso marëꞌ naꞌinin. Quëmari iporasoꞌ, noꞌtëquën anaꞌintacaso yaꞌhuërin.

2 Reyes 18:25

Naporahuaton: ‘Inahuara nohuanton ahuëinacoiso marëꞌ huëꞌpi,’ topachin, co noꞌtëquën yonquirinhuëꞌ. Sinioro catahuarincoi niꞌton, minsëarainquëmaꞌ. Ina catahuarincoi niꞌtoi, noꞌpanëma ataꞌhuantarai. Ina camairincoi niꞌtoi, poꞌsarai, itonco huaꞌanëmaꞌ,” itopi.

Daniel 4:35

Isoroꞌpaquë yaꞌhuëpisopita quëma marësoꞌ, co máquënoꞌsahuëꞌ. Inápaquë yaꞌhuëpisopita, nohuantëransoráchin nipi. Isoroꞌpaquëntaꞌ, ina pochachin nipi. Chini chiníquën nanantëran niꞌton, co insonta nanitarinhuëꞌ, chinitiinquënsoꞌ. Maꞌsha nipataontaꞌ: ‘¿Onpoatonta ina pochin nisaran?’ co itiinënso yaꞌhuërinhuëꞌ,” itërahuë.

Mateo 16:23

Quisosori tahuërëtahuaton, itërin. —¡Taꞌtëquëꞌ iyasha! Sopai nohuanton, napotëranco. ¿Yaanishacancantëranco ti? Co Yosë pochin yonquiranhuëꞌ. Piyapinquën niꞌton, quëmaora nohuantëransoachin yonquiran, itërin Quisosori.

Mateo 8:29

Quisoso quënanahuatonaꞌ, chiníquën nontapi. —Nohuitërainquën Sinioro. ¿Maꞌtaꞌ onpotaponcoi? Quëmasoꞌ Yosë huiꞌninquën niꞌton, coꞌhuara ayaroꞌ tahuëri naniyatërasohuëꞌ, ¿aparisitarancoi ti? itopi.

Juan 18:11

Quisososo nipirinhuëꞌ co nohuantërinhuëꞌ. —Sahuëni iyasha poꞌmoantaquëꞌ. Tananpitëquëꞌ mainaco. Tatahuë nohuanton, masarinaco. Main oꞌorëso pochin chiníquën parisitarahuë. ¿Co ina nitotëranhuëꞌ ti? itërin.

Romanos 9:20

¿Maquëma cháchintaꞌ niꞌtomaꞌ, nanitëramaꞌ Yosë chachin pinocamasoꞌ? Niꞌcoꞌ. Piyapi tëshitohuachina, minëꞌ, huëꞌëta, inapita ninin. Nipachina, co tëshiri huaꞌanën noꞌhuirinhuëꞌ. “¿Onpoatontaꞌ naponin ninanco?” co itërinhuëꞌ.

1 Pedro 2:23

Inimiconënpitari pinopachinara, co yaiꞌhuërëtërinhuëꞌ. Aparisitopirinahuëꞌ, co noꞌhuirinhuëꞌ. “Aꞌna tahuëri Yosëri noꞌtëquën anaꞌintarin,” taꞌton, Yosëíchin natërin.