2 Samuel 15:32 - Chayahuita (Shahui)

³² Oriposë motopiaꞌhua huiꞌnimotënquë israiroꞌsa Yosë chinotopiquë yaꞌhuërin. Tapi inaquë pomosontahuachina, aꞌnara Arqui piyapi Osai itopisoari nacapirin. Inasoꞌ aꞌmorinso osharahuaton, motëonta moꞌshiquë nipashimototërin.

2 Samuel 15:32 ပူးပေါင်းရင်းမြစ်များ

2 Samuel 1:2

Tahuëririnquë aꞌnara huiꞌnapi canquirin. Saono sontaronënpitarë chachin yaꞌhuëpi quëran canquirin. Aꞌmorinso nioshatërin. Naporahuaton, motëonta moꞌshiquë nisëꞌmomotorin. Sëtërinsoꞌ nitotai marëꞌ naporin. Canquirahuaton Tapi notënanquë noya nicaton isonin. Isonin quëran noꞌpaquë huarëꞌ monshomarin.

2 Samuel 15:30

Tapisoꞌ Oriposë motopiaꞌhua nanpëtacaso marëꞌ sapatën ocoirin. Ocoirahuaton iꞌnanpirantë nanpëontarin. Motëonta moꞌshiquë nipashimototahuaton, naꞌnërëꞌnachin nanpërin. Yaꞌipi imapisopitanta inapochachin nicatona paꞌsapi. Sëtopisoꞌ nitotacaiso marëꞌ napopi.

2 Samuel 16:1

Tapisoꞌ piyapinënpitarë chachin Oriposë motopiaꞌhua pomosotoontarin. Pomosotoontarahuatona amasha paasoiꞌ, Mihui-posi piyapinën Sipa itopisori nacapirin. Cato moraquë cato pasa pan quësarin. Pasa pan pochin nininsoꞌ opa ayanitopi quërantaꞌ, quësarin. Pasa chachin sharoꞌsa cayarinsoꞌ, aꞌnara shaꞌhuëtë morsaquë huino, inapitanta quësarin.

2 Samuel 16:15

Napoasoi Apësaronsoꞌ, imarinsopitarë chachin Quirosarinquë nani yaꞌconpi. Aitohuirorintaꞌ, catahuaton imaquirin.

2 Samuel 17:5

Yaꞌipiya quëran costapirinahuëꞌ, Apësaronso Osainta quëcacaiso camaitaantarin. Inanta yonquirinso shaꞌhuihuachin nitotacaiso marëꞌ naporin.

Salmos 91:15

Nontohuatamaco aꞌpaniaranquëmaꞌ. Ca chachin caꞌtanaranquëmaꞌ. Maꞌsha onpoatoma co napion ancantopiramahuëꞌ, nichaꞌësaranquëmaꞌ. Inapotaranquëma niꞌton, naní quëran noya niꞌsarinënquëmaꞌ.

Lucas 19:29

Yaꞌcaritahuaton, Oriposë panënquë canconin. Ina yaꞌcariya catoꞌ ninanoꞌ yaꞌhuërin. Aꞌnasoꞌ Pitipaqui itopi. Aꞌnantaꞌ Pitania itopisoꞌ. Inaquë canconahuaton, catoꞌ caꞌtanoꞌsanën shaꞌhuitërin.

1 Samuel 4:12

Aꞌnara Mincamin huënton sontarosoꞌ, ahuëtaponahuë aꞌpotahuaton Siroquë taꞌarin. Taꞌarëꞌnachin paꞌsahuaton naporo tahuëri chachin canconin. Aꞌmorinso osharahuaton, amocanquë nipashimototërin.