2 Samuel 15:30 - Chayahuita (Shahui)

³⁰ Tapisoꞌ Oriposë motopiaꞌhua nanpëtacaso marëꞌ sapatën ocoirin. Ocoirahuaton iꞌnanpirantë nanpëontarin. Motëonta moꞌshiquë nipashimototahuaton, naꞌnërëꞌnachin nanpërin. Yaꞌipi imapisopitanta inapochachin nicatona paꞌsapi. Sëtopisoꞌ nitotacaiso marëꞌ napopi.

2 Samuel 15:30 ပူးပေါင်းရင်းမြစ်များ

2 Samuel 15:29

Napotohuachina, inahuaso Yosë caposonën Quirosarinquë quëpaantapi. Naporahuatonaꞌ, inaquë quëparitopi.

2 Samuel 19:4

Napoasoi copirnosoꞌ, sëtaton niimorayatërin. Naporin quëran chiníquën yaitárin: “Apësaron, huiꞌnahuë taꞌa. Apësaron conpaaꞌhua taꞌa,” tosárin.

2 Samuel 19:5

Napohuachina, Coaposo copirno pëinënquë paꞌsahuaton itapon: —Quëmasoꞌ sinioro copirno piyapinënpita atapanan. Inimiconënpita ahuëatënën tëpainënquënso nipirinhuëꞌ, inapitaso paꞌpoyarinën. Huiꞌnanpita, saꞌanpita, cosonanënpita, inapitanta paꞌpoyapi.

Salmos 42:3

Nani tahuëri piyapiꞌsa tëhuarinaco: “¿Inso huachi Yosë chinotëransoꞌ?” itërinaco. Napotërinacoso marëꞌ tahuëri tashirë chachin sëtato naꞌnërahuë.

Salmos 43:5

Parisitápirahuëꞌ, ¡ama huachi sëchisohuëꞌ! ¡Ama huachi napion ancanchisohuëꞌ! Sinioro catahuaantaponco. Ina nohuanton noya chinotaantapo. Inasáchin Yosënëhuë niꞌton, nichaꞌësarinco.

Mateo 5:4

Sëtohuatamaꞌ, Yosë achinicancanarinquëmaꞌ. Oshanëmaꞌ yonquiatomaꞌ, cancanëma quëran huarëꞌ sëtohuatamaꞌ, Yosë noya niꞌsarinquëmaꞌ. Catahuarinquëmaꞌ noya cancantacamaso marëꞌ.

Lucas 19:29

Yaꞌcaritahuaton, Oriposë panënquë canconin. Ina yaꞌcariya catoꞌ ninanoꞌ yaꞌhuërin. Aꞌnasoꞌ Pitipaqui itopi. Aꞌnantaꞌ Pitania itopisoꞌ. Inaquë canconahuaton, catoꞌ caꞌtanoꞌsanën shaꞌhuitërin.

Lucas 19:37

Oriposë panën quëran nohuarapona pochin, imarinsopita chiníquën nonsapi. —¡Ma noyacha Quisososo paya! Nani maꞌsha nitotërin. Yosë nohuanton, naꞌa caniaꞌpiroꞌsaꞌ aꞌnaroáchin anoyatërin, niꞌnai. Yosëri aꞌpaimarin huaꞌanëntinpoaso marëꞌ. Siniorori chachin chiníquën nanan quëtërin. ¡Ma noyacha Yosëso paya! Nanan anoyatërinpoaꞌ niꞌton, noya yonquirinpoaꞌ, topi. Noya cancantatonaꞌ, napopi.

Lucas 19:41

Ina quëran Quirosarin notënanquë canconpi. Canconpachina, piyapiꞌsaꞌ yonquiaton, Quisoso sëtërin. Sëtaton, naꞌnërin.

Lucas 21:37

Nani tahuëri Yosë chinotopiso pëiquë aꞌchinin. Tashiꞌ nipachina, Oriposë panënquë huëꞌëcaso marëꞌ paꞌnin.

Lucas 22:39

Ina quëran pipirahuaton, Oriposë panënquë paꞌnin. Nani tashiꞌ inaquë paꞌnin. Caꞌtanoꞌsanënpitarintaꞌ imapi.

Hechos 1:12

Ina natanahuatonaꞌ, Oriposë panën quëran nohuaramarahuatonaꞌ, Quirosarinquë paantapi. Co aquëyahuëꞌ. Aꞌna quiromitro pochin aquërinsoꞌ.

Romanos 12:15

Aꞌnapita naꞌcon yonquicoꞌ. Canpitaora ninatanamaso pochin cancantocoꞌ. Noya cancantohuachinaꞌ, ina marëꞌ canpitantaꞌ noya cancantocoꞌ. Sëtohuachinaꞌ, sëtocoꞌ.

1 Corintios 12:26

Maquënpoa tërantaꞌ iquin nipachina, yaꞌipi ninatanëꞌ. Inapochachin maquënpoa tërantaꞌ paꞌyatohuachinënpoaꞌ, yaꞌipi nonënpoaꞌ capa cancantërin.