2 Samuel 15:27 - Chayahuita (Shahui)

²⁷ Napotahuaton itaantarin: —Apiatarorëꞌquën ninanoquë paantacoꞌ. Huiꞌnaonta Aimasë itëransoꞌ, paantaꞌin. Apiataro huiꞌnin Conatan itërinsontaꞌ, paꞌin. Inaquë maꞌsona onporapiso nëhuëcontacoꞌ.

2 Samuel 15:27 ပူးပေါင်းရင်းမြစ်များ

2 Samuel 15:34

Quirosarinquë tëhuëchinsoꞌ paantaquëꞌ. Inaquë paꞌsahuaton Apësaron iso pochin nontëquëꞌ: “Caso quëma piyapinënco nisarahuë. Tata catahuarahuëso pochachin quëmanta catahuainquën,” itëquëꞌ. Napotohuatan, ina piyapinën nicacaso marëꞌ nohuantarinquën. Inapoaton Aitohuirori maꞌsona nicacaso marëꞌ ayonquihuachin, quëmarisoꞌ nisha ayonquiquëꞌ.

2 Samuel 15:36

Satoco, Apiataro, inapita huiꞌninpitanta inaquë nisapi. Aimasë, Conatan, inapita. Inapita quëran yaꞌipi yashaꞌhuitëramacoso anitotoco, itërin.

2 Samuel 17:17

Conatan, Aimasë, inapitasoꞌ, In-roquë itopiso huinanquë nisapi. Co nanitopihuëꞌ Quirosarinquë pacacaisoꞌ. Inaquë quënanpi naporini, Apësaronquë shaꞌhuirapiitonahuëꞌ. Ina camaitërin macatonaꞌ, Tapi shaꞌhuirapicaiso marëꞌ aparisichitonahuëꞌ. Napoaton Satoco, Apiataro, inapitasoꞌ, aꞌnara piyapinën sanapi inatohua aꞌpapi. Osairi Tapi nanan aꞌpatërinso shaꞌhuitacaso marëꞌ aꞌpapi. Ina natanatonaꞌ, inapitaso aꞌnaroáchin Tapi shaꞌhuitapona paꞌpi.

2 Samuel 18:19

Ina quëran Satoco huiꞌnin Aimasëri Coapo itapon: —Taꞌarëꞌnachin paꞌsahuato copirno shaꞌhuitocoꞌin: “Sinioro noya nicatënquën inimiconënpita quëran nichaꞌërinquën,” itoꞌin, itërin.

1 Reyes 1:42

Napoaso chachin Apiataro corto huaꞌan huiꞌnin Conatan itopisosoꞌ canquirin. Canquihuachina Atoniasëri itapon: —Huëquëꞌ. Quëmasoꞌ chiníquën nanantëran. Noya nanan ipora quëshiarancoi, itërin.

1 Samuel 9:6

Napotohuachina inari itapon: —Niꞌquë patron. Iso ninanoquë aꞌnara pënëntonaꞌpi yaꞌhuërin. Inasoꞌ maꞌsona topachina ina inachachin ninin. Napoaton naní quëran natëpi. Huëquë inatohua paꞌa. Tapona maꞌsona nicacasoꞌ noꞌtëquën anitotápirinpohuëꞌ, itërin.

1 Samuel 9:9

(Ipora iso quirica ninshitasoco huarëꞌ Samoiro pochin nipisopitasoꞌ pënëntonaꞌpi itërëhuaꞌ. Iráca chachinsoꞌ, co ina pochin nohuitopihuëꞌ. Ninoton shaꞌhuinaꞌpi itopi. Israiroꞌsa maꞌsona Yosëri anitotacaso nohuantohuachinara, ninapotopi: “Huëquë paꞌa ninoton shaꞌhuinaꞌpi natahuan,” niitopi.)