2 Samuel 15:25 - Chayahuita (Shahui)

²⁵ Nani yaꞌipi paꞌpachinara, Copirnori Satoco itapon: —Yosë caposonën ninanoquë quëpaantaquëꞌ. Sinioro nosoroatonco catahuahuachincosoꞌ, huënantahuato niantapo. Acorëhuaquë chachin niantapo.

2 Samuel 15:25 ပူးပေါင်းရင်းမြစ်များ

2 Samuel 6:17

Coꞌhuara Sinioro caposonën maconchátërasoihuëꞌ, Tapisoꞌ piyapinënpita camairin: “Sinioro caposonën acocaso marëꞌ nëꞌmëtë pëi nitatomaꞌ, ótëncoꞌ,” itërin. Napotohuachina piyapinënpitasoꞌ, ina inachachin nipi. Napoaton Sinioro caposonën pitënpi quëran canquihuachinara, inaquë acoonpi. Naporahuaton Tapisoꞌ Sinioro chinotacaso marëꞌ maꞌsharoꞌsa yoꞌnin. Corto huaꞌanoꞌsari tëpatona aꞌnaquën oshanën marëꞌ yaꞌipi ahuiquitopi. Aꞌnaquënso nipirinhuëꞌ, nanan anoyatopiso marëntaꞌ, tëpapi.

2 Samuel 7:2

Aꞌna tahuëri inasoꞌ, pënëntonaꞌpi Natan itopisoꞌ nontaton itapon: —Niꞌquëꞌ. Caso nonara nontë pëiquë noya yaꞌhuërahuë. Sinioro caposonënso nipirinhuëꞌ, topinan nëꞌmëtë pëiquë yaꞌhuëarin, itërin.

Salmos 122:1

“Sinioro chinotacaso pëiquë paꞌahuaꞌ,” itohuachinacora, inapitaroꞌco capa cancantërahuë.

Salmos 122:9

Sinioro chinotërëhuaso pëiꞌ, inaquë yaꞌhuërin. Napoaton inaquë noya yaꞌhuëcaisoꞌ, naꞌcon nohuantarahuë.

Salmos 84:10

Huaranca tahuëri niquë yaꞌhuëpirahuëꞌ, co noya cancantarahuëꞌ. Aꞌna tahuëriíchin tëranta pëinën iꞌiratëquë nipato, noya noya cancantarahuë. Pëinën yaꞌcoananën aꞌpainaꞌpi nicaꞌhuasoꞌ, naꞌcon naꞌcon nohuanchitohuëꞌ. Co noyahuëꞌ nipisopita pëinënquë yaꞌhuëcaꞌhuasoso nipirinhuëꞌ, co nohuantërahuëꞌ.

Éxodo 15:13

Paꞌpi nosoromiatërancoi niꞌton, nichaꞌërancoi. Chiníquën nanantaton quëparancoi. Yaꞌhuëcaꞌhuaiso marëꞌ huayonanquë chachin quëparancoi.

Éxodo 33:12

Aꞌna tahuëri Moisësëri, Sinioro itapon: —Niꞌquë Sinioro, israiroꞌsa quëpaꞌhuaso marëꞌ shaꞌhuitopirancohuëꞌ, co caora nanitërahuëꞌ. Naporahuaton co shaꞌhuitërancohuëꞌ, inëꞌcosona pacaꞌhuasoꞌ. Napoaponahuëꞌ, nani shaꞌhuitëranco natërancosoꞌ. Napoaton: “Nosororanquën,” itëranco.

Éxodo 33:13

Tëhuënchachin napohuatan, yonquiransopita anitotoco. Ina nitotohuato, noya noya natëaranquën. Israiroꞌsasoꞌ, quëma piyapinënpita. Ama ina naniantëquësohuëꞌ, itërin.

Jeremías 7:4

Aꞌnaquënsoꞌ, nonpintatënëmaꞌ: “Isëquë Sinioro chinotacaso pëi yaꞌhuërin. Napoaton co insonta maꞌsha onpotiinpoaso yaꞌhuërinhuëꞌ,” itërinëmaꞌ.