2 Samuel 15:23 - Chayahuita (Shahui)

²³ Tapisoꞌ caꞌtaninsopitarë chachin co napion ancantopi. Papona pochin naꞌnë́raapi. Inapochinachin Sitron iꞌsha pëntontopi. Aꞌnapitaꞌton quëchitopi. Piquëran copirnosoꞌ, pëntonin. Inapoatona piyapinënpitasoꞌ quëchitopi. Quëchitatona inotëro parti ira paꞌninsoꞌ paꞌtopi.

2 Samuel 15:23 ပူးပေါင်းရင်းမြစ်များ

2 Samuel 15:22

Napotohuachina Tapiri itapon: —Napoahuarëꞌ huëquë nipachin, itërin. Inapoaton Itaisoꞌ, piyapinënpitarë chachin Tapi imarin. Aꞌnapitarë chachin imapi.

2 Samuel 15:28

Napoasëmaꞌ, Cortaniiꞌ yaꞌcariꞌ inotëro nininquë ninaranquëmaꞌ. Ninanoquë maꞌsona onporapisoꞌ anitotamacoso marëꞌ, inaquë ninaranquëmaꞌ. Ina piquëran Cortaniiꞌ pëntontarahuë, itërin.

2 Samuel 16:2

Nacapirahuaton copirnori itapon: —¿Maꞌmarëta isopita quësaran? itërin. —Moraroꞌsasoꞌ, saꞌanpita, huiꞌnanpita, inapita yaꞌmitëatona pacacaiso marëꞌ quësarahuë. Pan, sharoꞌsa cayarinsoꞌ, inapitasoꞌ, sontaroꞌsari capacaisoꞌ. Huinoso nipirinhuëꞌ, inotëro paꞌtasëma yamoro yatapinantopisopitari oꞌocaisoꞌ, itërin Sipari.

Jeremías 31:40

Chimipiroꞌsaꞌ, huarianoꞌ, inapita tëꞌyatopiso motopiana, ca marëꞌ acoaponaꞌ. Yaꞌipi iminoꞌsantaꞌ, Sitron iꞌshaquë huarëꞌ inapotaponaꞌ. Ina quëran: ‘Cahuarioroꞌsa yaꞌcoana’ itopiquë huarëntaꞌ, inapoaponaꞌ. Inasoꞌ yaꞌcoana piꞌi pipirinso parti quëran yaꞌhuërin. Inapotohuachinaꞌ, co huachi onporo tëranta ataꞌhuantaantaponahuëꞌ,” tënin.

Mateo 3:1

Naporoꞌ tahuëriꞌsaꞌ Coansha Paotista pënëntarin. Cotia parti pancana inotëroꞌ yaꞌhuërin. Co inaquë piyapiꞌsaꞌ yaꞌhuëpihuëꞌ. Inaquë yaꞌhuaton, Yosë nanamën shaꞌhuirarin. Naꞌa piyapiꞌsaꞌ huëꞌpi natanaponaꞌ:

Mateo 3:3

Iráca Yosë nohuanton, Isaiasë ninorin. Ninshitaton, naporin: “Inotëro parti aꞌna quëmapi pënëntápon: ‘Sinioro oꞌmacaso tahuëri naniriarin niꞌton, yonquicoꞌ. Niꞌcoꞌ. Huaꞌan chiníquën nanantonaꞌpi niꞌton, aꞌna parti yapaꞌpachina, comisionën aꞌparin ira tapatacaso marëꞌ. Ira otëërin noya paꞌtacaiso marëꞌ. Inapochachin iporasoꞌ cancanëmaꞌ anoyatocoꞌ Sinioro oꞌmain,’ tapon ina quëmapi, pënëntohuachin,” tënin. Coansha pënëntacasoꞌ ninoton, naporin.

Lucas 1:80

Ina quëran huiꞌninsoꞌ soꞌsorahuaton, huiꞌnapitarin huachi. Yosë yonquiarin niꞌton, chiníquën cancantarin. Inotëro parti yaꞌhuëárin. Ina quëran oshaquëran Yosëri shaꞌhuitërin israiroꞌsaꞌ pënënacaso marëꞌ.

Juan 18:1

Nani Yosë nontohuachina, Sitron itopisoꞌ iꞌshanantëꞌ aquëtëran paꞌnai. Inaquë nararoaꞌhua yaꞌhuërin.

Romanos 12:15

Aꞌnapita naꞌcon yonquicoꞌ. Canpitaora ninatanamaso pochin cancantocoꞌ. Noya cancantohuachinaꞌ, ina marëꞌ canpitantaꞌ noya cancantocoꞌ. Sëtohuachinaꞌ, sëtocoꞌ.