2 Samuel 15:12 - Chayahuita (Shahui)

¹² Naporahuaton Aitohuiro itopisonta amatërin. Inasoꞌ, copirno ayonquinaꞌpi. Quiro ninano itopiquë yaꞌhuërin. Maꞌsha Yosë marëꞌ tëparinso aꞌnosoꞌ, caꞌtanacaso marëꞌ amatërin. Napotohuachina inarinta imarin. Inapoatona naꞌcon naꞌcon israiroꞌsa Apësaron imasapi. Ina naꞌcon naꞌcon imatona chini chiníquën nanantapi huachi.

2 Samuel 15:12 ပူးပေါင်းရင်းမြစ်များ

2 Samuel 15:31

Aꞌnari Tapi shaꞌhuitërin: “Aitohuironta Apësaron catahuarin,” itërin. Ina natanaton, inaso Sinioro nontërin: “Aitohuirori maꞌsona nicacasoꞌ, Apësaron ayonquiarin. Ayonquihuachin, quëma nohuanton ama natëinsohuëꞌ,” itërin.

2 Samuel 16:15

Napoasoi Apësaronsoꞌ, imarinsopitarë chachin Quirosarinquë nani yaꞌconpi. Aitohuirorintaꞌ, catahuaton imaquirin.

2 Samuel 17:14

Apësaron, Israiro ansianoꞌsaꞌ, inapitaso Osai naporinso natanpi. Ina natanatonaꞌ: “Osaicha, Aitohuiro quëran noya noya pënëninpoa paya,” topi. Aitohuirori noꞌtëquën pënënpirinhuëꞌ, Sinioro nohuanton co ina imapihuëꞌ. Tapiri, Apësaron canacaso marëꞌ naporin.

2 Samuel 17:23

Aitohuirosoꞌ: “Noꞌtëquën pënënpirahuëꞌ, co Apësaron natërincohuëꞌ. Co natërincohuëꞌ niꞌquëhuarëꞌ, paꞌpini canapon,” tënin. Ina yonquiaton moranën taparin. Inaquë yaꞌmitëahuaton huaꞌhuatërinso ninanoquë paꞌnin. Canconahuaton quëmopinënpita, piyapinënpita, inapita nontërin. Maꞌpitaso nicacaisoꞌ camaitërin. Inaporahuaton, noninquë nihuënquëconorin quëran chiminin. Napohuachina, inanta paꞌpincoꞌ poꞌmopiquë chachin poꞌmoontapi.

1 Reyes 21:9

Quiricaroꞌsaquësoꞌ tapon: “Niyontonatoma ayono nicacamaso marëꞌ shaꞌhuicoꞌ. Niyontonpatamaꞌ, yaꞌnatiirinso huënsënanquë Napoto ahuënsëcoꞌ. Ina notënanquëntaꞌ, cato yaꞌpi ina nonpinapicaiso marëꞌ ahuënsëcoꞌ. Ina quëran yaꞌipi natantapaiquë nonpinapiinaꞌ: ‘Napoto Yosë noꞌhuiton, pinorin. Copirnontaꞌ, napotërin natanai,’ ichinaꞌ. Ina piquëran inasoꞌ, ninano quëran ocoicoꞌ. Inaquë naꞌpiquë tëꞌyaratoma tëpacoꞌ,” tënin.

Proverbios 15:8

Co noyahuëꞌ nipisopita Yosë marëꞌ maꞌsha acopisoꞌ, Yosëri co noyahuëꞌ niꞌsarin. Noya nipisopitari nontohuachinasoꞌ, noya natanaton catahuarin.

Jeremías 6:20

Israiroꞌsanquëmaꞌ, canpitaso Sapa noꞌpa quëran yonarin pochin nininsoꞌ quëshiramaco. Pimo nararoꞌsanta áquë noꞌparoꞌsa quëran quëshiramaco. Inapita quëshipiramacohuëꞌ: ¡Topinan quëran quëshiramaco! Chinotamacoso marëꞌ artaronëhuëquë maꞌsha tëparahuatoma aꞌnaquën yaꞌipi ahuiquitëramaꞌ. Aꞌnaquënsoꞌ, piꞌpiyan ahuiquitëramaꞌ. Inaporamasopita, ¡yaꞌipi co noyahuëꞌ niꞌnahuë!” tënin.

Números 23:1

Ina quëran Paramori Paraco itapon: —Isëquë chachin canchisë artaro nitoco. Inaquë ahuiquitacaso marëntaꞌ, canchisë toroaꞌhua, canchisë carniro, inapita quëquëꞌ, itërin.

Números 23:14

Ina tosahuaton, Pisca motopi huiꞌnimotënquë Paramo quëparin. Sohuimo noya roꞌtë itopiquë quëparin. Inaquë canchisë artaro ninin. Aꞌnaya aꞌnaya artaroquë aꞌnara toroaꞌhua, aꞌnara carniro, inapita tëparinsoꞌ acorin.

Números 23:30

Ina natanahuaton, Paracosoꞌ ina inachachin ninin. Maꞌsha tëparahuaton, aꞌnaya aꞌnaya artaroquë aꞌnara toroaꞌhua, aꞌnara carniro acorin.

Juan 13:18

“Co yaꞌipinquëmaꞌ noya cancantëramahuëꞌ. Shonca catoyaꞌpinquëmaꞌ huayonanquëmaꞌ caꞌtanamacoso marëꞌ. Yaꞌipinquëmaꞌ noyá nohuitëranquëmaꞌ. Yosë quiricanënquë iráca naporin: ‘Aꞌnaraꞌ carëꞌ coshataponahuëꞌ, inimicotarinco,’ tënin. Ipora huarëꞌ ina pochin nisarin.

Tito 1:16

“Yosë nohuitërahuë,” topirinahuëꞌ, co noyahuëꞌ nipi. Ina marëꞌ co tëhuënchachin imapihuëꞌ, tënahuë. Co Yosëri noya niꞌninhuëꞌ. “Napoonpi,” tënin. Co mantaꞌ yanatëpihuëꞌ. Yosë aꞌpoatonaꞌ, co piꞌpisha tërantaꞌ nanitopihuëꞌ noya nicacaisoꞌ.