2 Samuel 15:10 - Chayahuita (Shahui)

¹⁰ Coꞌhuara inatohua paꞌshátëraponhuëꞌ, comisionoꞌsa aꞌparin. Yaꞌipi Israiro huëntonoꞌsa iso pochin anitotacaiso marëꞌ aꞌparin: “Tronpita pihuipisoꞌ natanaramaꞌ. Ina natanpatamaꞌ: ‘Ipronquë Apësaron israiroꞌsanpoa huaꞌanëntiinpoaso marëꞌ copirno nani acopi,’ tosaramaꞌ,” itërin.

2 Samuel 15:10 ပူးပေါင်းရင်းမြစ်များ

2 Samuel 14:30

Napohuachina Apësaronsoꞌ, piyapinënpita camairin: —Niꞌquëꞌ. Coapo iminën caquën pirayan yaꞌhuërin. Sipataráchin shaꞌninsoꞌ nani cayarin. Paatoma ina iꞌchinpitocoꞌ, itërin. Natanahuatonaꞌ, inahuaso iꞌchinpitonpi.

2 Samuel 15:9

—Noya paquë conpa, itërin paꞌpini. Napotohuachina, inaso inaquë paꞌnin.

2 Samuel 19:10

Ina huachi copirnonënpoa nicacaso marëꞌ acopirëhuahuëꞌ, nani chimimin. Aꞌnaroáchin paꞌahua Tapi huaꞌanëntaantainpoaso marëꞌ Quirosarinquë quëpantaꞌahuaꞌ,” niitopi.

2 Samuel 2:1

Ina piquëran Tapisoꞌ, Sinioro natanapon: —Cota huënton noꞌpanënquë naꞌa ninanoroꞌsa yaꞌhuërin. ¿Noya ina ninanoroꞌsaquë pacaꞌhuaisoꞌ to? itërin. —Noya paquëꞌ, itërin Siniorori. —¿Inso ninanoquëta paꞌi? taantarin Tapi. —Iporon ninanoquë paquëꞌ, itaantarin Siniorori.

2 Samuel 5:5

Ipronquëꞌton yaꞌconaton, Cota huënton israiroꞌsa huaꞌanëntërin. Canchisë piꞌipi miria inaquë huaꞌanëntërin. Ina quëran yaꞌipi israiroꞌsa huaꞌanëntohuachina, cara shonca cara piꞌipi huaꞌanëntërin. Quirosarin ninanoquë naporin.

1 Reyes 1:11

Natanso naporapiso nicaton, Saromon aꞌshin nontapon paꞌnin: —Atoniasë pita nisarin. Inaquë yaꞌipi përarinsopita natantonënquë naporin: “Israiroꞌsa copirnonën ca yaꞌcoanahuë,” tënin. Copirnosoꞌ, co manta nitotopirinhuëꞌ napoarin.

1 Reyes 1:34

Inaquë Satoco, Natan, inapitari tomaquë opomototahuatonaꞌ, israiroꞌsa copirnonën nicacasoꞌ marëꞌ acoꞌinaꞌ. Nani acohuachinaꞌ, naní quëran chiníquën noinaꞌ: “¡Saromon copirno huaꞌqui tahuëri nanpiton, huaꞌanënchinpoaꞌ!” chinaꞌ.