2 Samuel 12:9 - Chayahuita (Shahui)

⁹ Nani carima pënënanquëmaꞌ: Nimapatamaꞌ ama nitëhuananpitocosohuëꞌ, itëranquëmaꞌ. Naporahuaton ama tëpatocosohuëꞌ itëranquëmaꞌ. Napo pënëntërahuësoꞌ co nocanacaso yaꞌhuëpirinhuëꞌ, nocanan. ¡Inapoaton co costarahuësohuëꞌ ninan! Quëma camaitëran quëran Oriasë amonoꞌsari tëparin. Inapotahuaton saꞌin matëran.

2 Samuel 12:9 ပူးပေါင်းရင်းမြစ်များ

2 Samuel 11:4

Napotopirinahuëꞌ, quëshicaisoꞌ camaitërin. Quëpatohuachinara ichiquëhuënin. Inahua sanapiꞌsasoꞌ inachintopiso quënanpachinara, amirotochináchin Yosëri niꞌnin. Pitisapiso inaporinsoꞌ, nasha inquiarin. Nasha inquiaso niꞌton, inapotërin. Nani inapotohuachina, naporo tashi chachin sanapisoꞌ pëinënquë panantarin.

2 Samuel 12:10

Ina macaton nocananco niꞌquëhuarëꞌ, co huachi huiꞌnanpita noyasha yaꞌhuëapihuëꞌ. Itohuara capini maꞌsha nionpotáponaꞌ.

2 Samuel 16:7

Tëꞌyaratapon pochin: —¡Paquë paꞌsáquë matararo mashonquën!

1 Reyes 21:19

Quënanconpatan napotëquëꞌ: ‘Naporin Sinioro: Napoto tëparahuaton oparonën matëran. Inapotëran niꞌton, niꞌniraroꞌsari huënainën irotërin. Ina marëꞌ quëmanta inaquë chachin niꞌniraroꞌsa huënainën irotapënën,’ itëquëꞌ,” itërin.

Salmos 51:14

Nichaꞌëco, ama tëpaꞌinacosohuëꞌ. Quëmasáchin nanitëran nichaꞌëancosoꞌ. Inapotohuatanco, nichaꞌërancosoꞌ yonquiato cantaarahuë.

Salmos 51:16

“Oshanëhuë marëꞌ maꞌsha tëpato yaꞌipi ahuiquichi,” topirahuë, co ina nohuantëranhuëꞌ.

Salmos 51:4

Noya pënënpirancohuëꞌ, co natëranquënhuëꞌ. Naꞌinpiro nininsoꞌ nicato tëhuëtëranquën. Co natëranquënhuë niꞌquëhuarëꞌ, anaꞌintancoso yaꞌhuërin.

Salmos 90:8

Yaꞌipi co noyahuëꞌ ninaisopita nitotëran. Poꞌoana quëran nicatoi oshahuanpiraihuëꞌ, yaꞌipi nitotëran.

Jeremías 18:10

Inapitaso napoaponahuëꞌ, noya nipisoꞌ aꞌporahuatona pënënahuësopita co natëpihuëꞌ. Napopiso marëꞌ noya acoaꞌhuaso yonquirapiporahuëꞌ, co huachi ina pochin catahuapohuëꞌ,” itërinco.

Amós 2:4

Naquëranchin Sinioro taantarin: “Cota huënton israiroꞌsantaꞌ, paꞌpi co noyahuëꞌ nipi. Aꞌchintërahuësopita nocanatonaꞌ, pënëntërahuësopitanta co natëpihuëꞌ. Shimashonëna moshapiso chachin inapitanta moshaantapi. Napoaton inapitanta anaꞌintaꞌhuaso yaꞌhuërin.

1 Samuel 15:19

Sinioro camaitërinso natëton, sontaronënpita pëtahuaroꞌsa mapisoꞌ, co quëitonhuëꞌ. ¡Quëmaso nipirinhuëꞌ, inapita quëcaton Sinioro co natëranhuëꞌ! itërin.

1 Samuel 15:23

Pënotonquë aniꞌtohuatëra oshahuanëso pochachin, Yosë camaitërinsonta co natëhuatërahuëꞌ, oshahuanëꞌ. Mamanshi moshahuatëra oshahuanëso pochachin co Yosë natëchináchinhuëꞌ cancantohuatërantaꞌ, oshahuanëꞌ. Quëmasoꞌ Sinioro camairinquënsoꞌ, nocanan. Ina pochachin inantaꞌ, quëma copirno nisápasoꞌ nocaninquën,” itërin.

1 Samuel 15:26

Napotopirinhuëꞌ, Samoiroriso itaantarin: —Co quëmaroꞌco panantapohuëꞌ. Sinioro camairinquënso nocananso marëꞌ, iporasoꞌ inantaꞌ, quëma Israiro copirno nisápamasoꞌ nocaninquën, itërin.