2 Samuel 12:7 - Chayahuita (Shahui)

^7-8 Naporoꞌ Natani itapon: —Quëma mini, ina maꞌhuan pochin ninan. Naporin Sinioro chinotërëhuasoꞌ: “Israiroꞌsa copirnonëna nicamaso marëꞌ carinquën huayonanquën. Saono quëran nichaꞌëranquën. Ina pëinën, saꞌinpita, inapita quëtëranquën. Yaꞌipi israiroꞌsanta huaꞌanëntamaso marëꞌ quëtëranquën: ‘Co inaíchin nanitërincohuëꞌ,’ tënanta nicaipoꞌ, aquë aquëtë quëchitënquënhuëꞌ.

2 Samuel 12:7 ပူးပေါင်းရင်းမြစ်များ

2 Samuel 22:1

Siniorori Tapi nichaꞌërin. Copirno Saonocori inimicotaton yatëpapirinhuëꞌ, nichaꞌërin. Aꞌnapitarinta inimicotatona yatëpapirinahuëꞌ, nichaꞌërin. Ina yonquiaton iso pochin cantarin: “Quëmasáchin Sinioro paꞌpoyaranco. Naꞌpianaquë naꞌpirahuëso pochin yaꞌcopiranco. Quëmasáchin yánichaꞌëranco.

2 Samuel 22:49

Inimiconëhuëpita quëran nichaꞌëranco. Aꞌnaquën co natëtatonahuëꞌ yaocoirinaco. Inapita quëraonta nichaꞌëranco. Sinioro: Noꞌhuitërayaroꞌsa yatëpapirinacohuëꞌ, quëma nichaꞌëranco.

2 Samuel 7:8

Napoaton piyapinëhuë Tapi shaꞌhuitëquëꞌ: ‘Sinioro yaꞌipi nanitaparinso napotërinquën: “Quëmasoꞌ huiꞌnapitapon co máquënquënhuëꞌ ninan. Ohuicaroꞌsa aꞌpairapiranhuëꞌ, carinquën ocoiranquën. Piyapinëhuëpita huaꞌanëntamaso marëꞌ acoranquën.

1 Reyes 18:18

—Quëma tëhuëchinsoꞌ piyapinënpitarëꞌquën chachin Sinioro camaitërinso aꞌporan. Ina aꞌporahuatoma nisha nisha mamanshiroꞌsa Paaro nonanpisoꞌ mosharamaꞌ. Ina naꞌintërinquëma parisitaramaꞌ.

Daniel 4:22

Ina nara pochinquën quëmasoꞌ sinioro copirno. Quëmanta ina nara aꞌshininso pochin chini chiníquën nanantëran. Chiníquën nanantëransoꞌ, piꞌiroꞌtëquë nincaninso pochin ninin. Naporahuaton yaꞌipi isoroꞌpaquë huaꞌanëntëran.

Mateo 14:14

Quisososo canconahuaton nonshipirinhuëꞌ, notohuaroꞌ piyapiꞌsaꞌ quënanconin. Quënanconahuaton, naꞌcon nosororin. Noya nontaton, yaꞌipi caniaꞌpiroꞌsaꞌ anoyatërin.

1 Samuel 13:13

Napotohuachina Samoirori itapon: —¡Co noꞌtëquën yonquiatonhuëꞌ naporan! Yosë nani camairinquën maꞌsona noya nicacasoꞌ. Ina noꞌtëquënáchin natëran naporini, ina nohuanton quëmasáchin israiroꞌsa huaꞌanënchitonhuëꞌ. Quëmá quëran pipipisopitanta inapita huaꞌanënchitonahuëꞌ. Co aꞌnapitari huaꞌanënchitonahuëꞌ.

1 Samuel 15:17

—Coꞌhuara copirno yaꞌconyántërasënquënhuëꞌ, noya cancantaton noya ninan. “Caora co nanitërahuëꞌ noya nicaꞌhuasoꞌ,” tënan. Sinioro chachin acorinquën yaꞌipi Israiro huëntonoꞌsa huaꞌanëntamaso marëꞌ. Napoaton inasáchin natëcamaso yaꞌhuërin.

1 Samuel 16:13

Siniorori napotohuachina, inaso pomonquë toma quëninsoꞌ manin. Ina masahuaton iinpita niꞌtonënquë copirno nicacaso marëꞌ acorin. Inasoꞌ huiꞌnapi Tapi itopi. Naporo quëran huarëꞌ Sinioro ispiritonëni yaꞌcoancantërin. Ina piquëran coshatopi huachi. Nani coshatohuachinara Samoirosoꞌ, yaꞌhuërinꞌpaꞌ panantarin. Inasoꞌ, shaꞌhuitëranquëmaso chachin Namaquë yaꞌhuërin.

1 Samuel 18:11

Aꞌnanaya Saonosoꞌ nansanën ihuësahuaton Tapi ohuanpirinhuëꞌ, pashicharinsoꞌ pacoitërin. Naquëranchin napotaantapirinhuëꞌ, pacoitaantarin: “Pairaquë Tapi payon payontaꞌi,” taꞌton napopirinhuëꞌ, co nanitërinhuëꞌ.