2 Samuel 12:21 - Chayahuita (Shahui)

²¹ Naporoꞌ piyapinënpitari itaponaꞌ: —Canpoaso nichimiyantohuatëhuara, co coshatërëhuahuëꞌ. ¿Onpoatonta ipora quëmasoꞌ, coshatëran, oꞌoran, naporan? Huaꞌhuasha nanpiápon, ina marëꞌ sëtaton co coshatëranhuëꞌ. ¡Napoaponahuë ina chiminpachina, quëhuënan quëran huanirahuaton coshatëran! itopi.

2 Samuel 12:21 ပူးပေါင်းရင်းမြစ်များ

2 Samuel 12:20

Ina natanahuaton, huanirin. Amarahuaton nitaparin. Pimóton nininsoꞌ pashirin. Naporin. Inapo nitaparahuaton, Yosë caposonën acocaso marëꞌ nëꞌmëtë pëi nipiquë yaꞌconin. Inaquë Yosë chinotahuaton, pëinënquë paantarin. Capacaso natantohuachina, acotiipi caꞌnin.

2 Samuel 12:22

Napotohuachinara Tapiri itapon: —Huaꞌhuasha nanpipon co coshatatorahuëꞌ Yosë nontërahuë, naꞌnërahuë, naporahuë: “Tapona Sinioro nosoroatonco huiꞌnahuë anoyatërin,” taꞌto naporahuë.

1 Corintios 2:15

Ispirito Santo catahuahuachinpoaꞌ, noꞌtëquën yonquiarihuaꞌ. Aꞌnapitasoꞌ co canpoa pochin yonquipihuëꞌ. Co nitotatonaraihuëꞌ: “¿Onpoatomataꞌ ina pochin yonquiramaꞌ?” itërinënpoaꞌ.