2 Samuel 12:14 - Chayahuita (Shahui)

¹⁴ Napoaponahuëꞌ, co noyahuëꞌ ninanso marëꞌ inimiconënpitari Yosë nocanpi. Inapotopi niꞌton, huiꞌnan nasha huaꞌhuatërinsoꞌ, chiminacaso yaꞌhuërin, itërin.

2 Samuel 12:14 ပူးပေါင်းရင်းမြစ်များ

2 Samuel 12:15

Napotahuaton, Natanso yaꞌhuërinquë paantarin. Ina paꞌpachina, Sinioro nohuanton Oriasëcoꞌ saꞌinquëya huiꞌnahuaninsoꞌ, chiníquën caniorin.

Salmos 69:6

Sinioro, quëmasoꞌ yaꞌipi nanitaparan. Ama tëhuërahuëso marëꞌ chinotërinënquënsopita tapainasohuëꞌ. Aꞌnaquën paꞌpi nohuantatonaꞌ, chinotërinën. Ama naporahuëso yonquiatonaꞌ, inapitanta aꞌpochinasohuëꞌ.

Isaías 52:5

Iporaso nipirinhuëꞌ, papironiaroꞌsari yaꞌhuërëꞌ, topinan quëran aparisitapi niꞌnahuë. Huaꞌanëntatonaꞌ: ‘Ma noyacha quiyasoꞌ ninai paya,’ tosápi. Napoatona apira apira pinorinaco.

Amós 3:2

“Isoroꞌpaquë nisha nisha nacionoꞌsa yaꞌhuëpirinhuëꞌ, canpitasáchin huayonanquëmaꞌ. Inapotopiranquëmahuëꞌ, co noyahuëꞌ ninama niꞌton, anaꞌintaꞌhuanquëmaso yaꞌhuërin.

Mateo 18:7

Isoroꞌpaquë sacaiꞌ Yosë imacasoꞌ. Nisha nisha yaꞌhuërin piyapiꞌsaꞌ anishacancantacaisoꞌ. Ina marëꞌ oshahuanpi. Anishacancantonaꞌpiso nipirinhuëꞌ, naꞌcon naꞌcon oshahuanin. Yosëri chiníquën anaꞌintarin niꞌton, ¡maꞌhuantacha nisarin paya!

Romanos 2:24

Co noyahuëꞌ cancantëramaꞌ niꞌton, nisha piyapiꞌsantaꞌ co Yosë noya niꞌsapihuëꞌ. Quiricanënquë chachin naporin:

1 Corintios 11:32

Aꞌna tahuëri oshahuanoꞌsaꞌ anaꞌintomiatarin. Imarëhuasopitaso nipirinhuëꞌ, ipora chachin piꞌpian anaꞌintarinpoaꞌ noya noya yonquicaso marëꞌ. Ina quëran ayaroꞌ tahuëri co anaꞌintomiatarinpoahuëꞌ.

Hebreos 12:6

Nosororinpoaꞌ niꞌton, aꞌna tahuëri ina nohuanton, maꞌsha onporëhuaꞌ. Huiꞌninpita pochin nicatonpoaꞌ, anaꞌintërinpoaꞌ noya noya yonquicaso marëꞌ,” tënin.

Apocalipsis 3:19

Nosoroatënquëmaꞌ, chiníquën nontëranquëmaꞌ. Anaꞌintaranquëmaꞌ noya cancantacamaso marëꞌ. Co noyahuëꞌ yonquiramasopita aꞌporahuatomaꞌ, casáchin tahuërëtantaco huachi.