2 Samuel 12:11 - Chayahuita (Shahui)

¹¹ Caso Sinioroco niꞌton, shaꞌhuitaranquën: Ca nohuanton aꞌna tahuëri quëmopinënpita chachin maꞌsha onpotatënënquën aparisitarinënquën. Ca nohuanton aꞌnara quëmopinën, cosonanënpita osërëtarinquën. Osërëtahuatënquën yaꞌipi niꞌtërantapaiquë ichiquëhuënapon.

2 Samuel 12:11 ပူးပေါင်းရင်းမြစ်များ

2 Samuel 15:10

Coꞌhuara inatohua paꞌshátëraponhuëꞌ, comisionoꞌsa aꞌparin. Yaꞌipi Israiro huëntonoꞌsa iso pochin anitotacaiso marëꞌ aꞌparin: “Tronpita pihuipisoꞌ natanaramaꞌ. Ina natanpatamaꞌ: ‘Ipronquë Apësaron israiroꞌsanpoa huaꞌanëntiinpoaso marëꞌ copirno nani acopi,’ tosaramaꞌ,” itërin.

2 Samuel 15:14

Napotohuachina, inaso sontaro huaꞌanoꞌsa Quirosarinquë yaꞌhuëapiso camairin: —Aꞌnaroáchin paꞌahuaꞌ. Coꞌsoꞌ inapohuatëhuahuëꞌ, Apësaron minsëarinpoaꞌ. Manóton paꞌahuaꞌ. Icantatonpoa yaꞌipi iso ninanoquë yaꞌhuërëhuaso sahuëniquë tëpahuachinpoaꞌ, itërin.

2 Samuel 15:6

Yaꞌipi copirno paapapisopita inapotëraꞌpiarin. Inapotohuachina, israiroꞌsaso co huachi copirno paꞌyatatonaraihuëꞌ, inaraꞌ paꞌyatapi huachi.

2 Samuel 16:11

Napotahuaton Apisai, sontaro huaꞌanoꞌsaꞌ, inapita itapon: —Niꞌcoꞌ. Huiꞌnahuë chachin nipirinhuëꞌ, yatëparinco. Aquëtë huarëꞌ Mincamin huënton piyapisoꞌ tëpaincosonta yaꞌhuërin. ¡Tananpitoco noꞌhuiinco! Siniorori ina pochin camaimara.