2 Samuel 11:8 - Chayahuita (Shahui)

⁸ Shaꞌhuitohuachina, Tapiri itapon: “Noyapaꞌ. Iporaso huachi pëinënquë paaton nipaꞌmorantëquëꞌ,” itërin. Napotohuachina, Oriasësoꞌ Tapi pëinën quëran pipirin. Nani paꞌpachina, piyapinënpita quëran noya noya cosharo nininsoꞌ aꞌpatërin.

2 Samuel 11:8 ပူးပေါင်းရင်းမြစ်များ

Génesis 18:4

Canpita topatamaꞌ, nipaꞌmorantëcamaso marëꞌ piyapinëhuë iꞌsha quëshiinquëmaꞌ. Inapoatomaꞌ, nara tashinantërinquë, naꞌyapoma pochin, chinototacoꞌ.

Génesis 19:2

Monshorin quëran itapon: —Caso siniororoꞌsa piyapinëma pochinco. Huëco pëinëhuëquë onpopionta huëꞌëcamaso nohuantocoꞌ. Inaquë nanitërama nipaꞌmorantëcamasoꞌ. Tashiraya yapaꞌpatama paantacoꞌ, itërin. Napotopirinhuëꞌ, inapitaso co nohuantopihuëꞌ. —Naporinchi paya. Napopiranhuëꞌ co nohuantëraihuëꞌ. Caniquë tëranta noya huëꞌëpoi, itopi.

Génesis 43:24

Ina quëran, yaꞌipi chachin Cosi pëinënquë poꞌmorin. Inaquë iꞌsha nipaꞌmorantëcaiso marëꞌ quëtërin. Moranënapitantaꞌ, aꞌcarin.

Génesis 43:34

Cosiso inaora caꞌninso chachin, iinpitanta aꞌcarin. Mincaminso nipirinhuëꞌ oꞌhuintohuachinara, aꞌnapita iinpita quëran naꞌcon naꞌcon acotopi. Nani coshatohuachinara, napopináchin oꞌopi. Inapoatona capa cancantopi.

Lucas 12:2

Aꞌnaquën poꞌoana quëran maꞌsha nipi. Maꞌsha poꞌorëso pochin nipirinahuëntaꞌ, aꞌna tahuërisoꞌ yaꞌipi piyapiꞌsari nitotapi.

Lucas 7:44

Ina tosahuaton, sanapi tahuërëtahuaton, Simon itërin: —Iso sanapi niꞌquëꞌ. Quëma pëinënquë yaꞌconpirahuëꞌ, co inachintërëhuasoꞌ ninanhuëꞌ. Co iꞌsha tërantaꞌ quëtërancohuëꞌ nipaꞌmorantëcaso marëꞌ. Iso sanapiso nipirinhuëꞌ naꞌnëinën quëran paꞌmorantërinco. Ainën quëran amirantërinco.

Hebreos 4:13

Yaꞌipi ninëhuasopita Yosësoꞌ nitotërin. Poꞌoana quëran nipirëhuahuëꞌ, yaꞌipi niꞌninpoaꞌ. Co piꞌpisha tërantaꞌ inasoꞌ nonpintarihuahuëꞌ. Yaꞌipi yonquirëhuasopitantaꞌ noyá nitotërin. Ayaroꞌ tahuëri yaꞌipinpoaꞌ ninëhuasopita aipitarinpoaꞌ. Naporoꞌ coisë pochin nontarinpoaꞌ. Nontohuachinpoaꞌ, noꞌtëquën shaꞌhuitacasoꞌ yaꞌhuapon.