2 Samuel 11:26 - Chayahuita (Shahui)

²⁶ Oriasë saꞌinsoꞌ, soꞌin chimininso natantërin. Ina natantaton, canchisë tahuëri sëtërinsoꞌ imarin.

2 Samuel 11:26 ပူးပေါင်းရင်းမြစ်များ

Génesis 27:41

Naporo quëran huarëꞌ Isaori Cacopo paꞌpi noꞌhuirin huachi. Inasá paꞌpini noya yaꞌhuëcaso marëꞌ shaꞌhuitërin niꞌton, naporin. Napoaton yonquirárin: “Payo tata chiminapon. Ina chiminpachin, Cacopo tëpaarahuë,” tënin.

Génesis 50:10

Paꞌsápatonaꞌ, Corin-a-atatiquë canconpi. Inaquë niyontonatona panca sëtopi. Inaquë Cosi paꞌpin marëꞌ canchisë tahuëri sëtërinsoꞌ, naniantarin. (Corin-a-atatisoꞌ, trico toꞌnorapiquë) Ina noꞌpa quëransoꞌ, Cortaniiꞌ piꞌi yaꞌconinso parti acorin.

2 Samuel 11:25

Ina natanaton, Tapirisoꞌ itapon: —Shaꞌhuitëquë Coapo ama ina marëꞌ aquëtë sëchinsohuëꞌ. Inachin quiraquësoꞌ. Aꞌnaquën sontaronënpoapitantaꞌ, chiminacaiso yaꞌhuërin. Napoaponahuëꞌ, chini chiníquën cancantaton ina ninanoquë inimicoroꞌsa yaꞌhuërinsoꞌ, ahuëꞌin. Inapita ataꞌhuantaquë huarëꞌ inapochin. Quëmarinta achinicancancontaquëꞌ, itërin.

1 Reyes 21:16

Ina natanaton, Acaposo Napoto oparonën huaꞌanëntërin huachi.

Deuteronomio 34:8

Cara shonca tahuëri israiroꞌsaꞌ, Moisësë chimininso yonquiatonaꞌ, naꞌnërápi. Moapo inotëro parti napopi. Inachintopiso niꞌton, inanapo tahuëri naꞌnëtopi.

1 Samuel 31:13

Inapotahuatonaꞌ, nara tashinantërinsoanaquë nansëna paꞌpitopi. Inapotatona canchisë tahuëri co coshataponaraihuëꞌ, sëtopiso nanipi.