2 Samuel 11:2 - Chayahuita (Shahui)

² Aꞌna tahuëri iꞌhuararahuasoꞌ, inaso chinotërin quëran huënsërin. Pëinën aipi nanpëontarahuaton, costatarin. Costatapon pochin nocotopirinhuëꞌ, aꞌnara sanapi quënanin. Inasoꞌ sanapi noyápiroyanchin. Iꞌiratënënquë amararin.

2 Samuel 11:2 ပူးပေါင်းရင်းမြစ်များ

Génesis 12:11

Iquipito noꞌpaquë yaꞌcaritohuachina Apransoꞌ, Sarai itapon: “Niꞌquëꞌ, quëmaso tëhuënchachin noyápiroyanchinquën.

Génesis 3:6

Ina natanaton, sanapiso nara nitërinso niꞌsárin: Noyápiachin nicaton caꞌchináchin cancantërin. “Ina caꞌpato, yaꞌipi nitotarahuë huachi,” tënin. Napoyan quëran, sëꞌpashorahuaton caꞌnin. Soꞌionta quëtohuachina, inanta caꞌnin.

Génesis 34:2

Inaquë niꞌsoꞌ, Siquimori niꞌsahuaton noyarin. Inasoꞌ, shaꞌhuitëranquëmaso chachin Amoro huiꞌnin. Amorosoꞌ, huaꞌan yaꞌconin. Ipo piyapi niꞌton, yaꞌipi iporoꞌsa huaꞌanëntërin. Siquimori Tina co nohuanchachinpirinhuëꞌ ichihuëꞌërahuaton, poꞌorin.

Génesis 39:6

Cosiri yaꞌipi maꞌshanënpita noya aꞌpaitërin niꞌton, co huachi maꞌmarë tëranta yonquiárinhuëꞌ. Topinan noya coshatárin huachi. Cosisoꞌ, noyapin noyapin niꞌtomantarin niꞌton, yaꞌipi quëran paꞌyatopi.

Génesis 6:2

Yosë huiꞌninpitari ina nanoꞌsa niꞌsahuatonaꞌ, paꞌyatopi. Napoaton huayonatona huayonatonaꞌ, costapiso maraꞌpiapi.

2 Samuel 14:27

Naporahuaton cara huiꞌninpita quëmapiꞌsa yaꞌhuëtërin. Aꞌnara sanapinta noyápiroyanchin yaꞌhuëtërin. Inasoꞌ, Tamara itërin.

Copo naporinso' 31:1

‘Yoscoarëꞌ co nanoꞌsa tëranta noyacaꞌhuaso yaꞌhuërinhuëꞌ,’ taꞌto Yosë shaꞌhuitërahuë.

Proverbios 31:30

Aꞌnaquën sanapi noyasha nonaponahuëꞌ, yanonpinin. Noyápiroyanchin nipirinaontaꞌ, topinan quëran. Sinioro noya nicaton natëhuachin tëhuëchinsoꞌ, noya nicatonaꞌ, paꞌyataponaꞌ.

Jeremías 19:13

Quirosarinquë pëiroꞌsa yaꞌhuërinso aipi, yonarin pochin nininsoꞌ tayoraroꞌsa moshacaiso marëꞌ aꞌpëpi. Nisha nisha mamanshiroꞌsa marëntaꞌ, huino opopi. Copirnoroꞌsa huaꞌanëntopiso pëiroꞌsa aipinta inapopi niꞌton, amirotochináchin niꞌnahuë. Yaꞌipi inapita pëiroꞌsaꞌ, Tohuito amirotochináchin niꞌnahuëso pochachin niꞌsarahuë, tënin Sinioro,’ itaantaquëꞌ,” itërinco.

Mateo 10:27

Iporasoꞌ co yaꞌipi piyapiꞌsaꞌ aꞌchintarahuëꞌ. Carayanquëma tërantaꞌ canpitaora quëparahuatënquëmaꞌ, naꞌcon aꞌchintaranquëmaꞌ. Aꞌna tahuëriso nipirinhuëꞌ yaꞌipi piyapi aꞌninquëchin shaꞌhuitocoꞌ nitochinaꞌ.

Mateo 24:17

Pëinëma aipi yaꞌhuëhuatamaꞌ, ama maꞌshanëmapita quëpacaso marëꞌ yaꞌconcosohuëꞌ. Aꞌnaroáchin topinan taꞌacoꞌ.

Mateo 5:28

Nipirinhuëꞌ, co monshihuanpiso marëáchin anaꞌintacasoꞌ yaꞌhuërinhuëꞌ, tënahuë. Aꞌna sanapi cancanëna quëran noyahuachinaꞌ, ina marëntaꞌ oshahuanapi. Nani monshitërinso pochin Yosëri niꞌsarin.

Hechos 10:9

Tahuëririnquë yacamotëriahuasoꞌ, ninanoquë yaꞌcaritopi huachi. Naporoꞌ Pitro inapa paꞌcotëquë paꞌnin Yosë nontacaso marëꞌ.

1 Pedro 4:7

Ayaroꞌ tahuëri nani yaꞌcariarinpoaꞌ. Napoaton ama nisha nisha yonquicosohuëꞌ. Noya yonquiatomaꞌ, Yosë nontácoꞌ.

1 Juan 2:16

Isoroꞌpaquë nisha nisha yaꞌhuërin aoshahuainpoaso marëꞌ: Monshihuanacasoráchin cancantërëꞌ. Maꞌsha quënanpatëra, nohuantapatërëꞌ. Maꞌhuanpatëra, yanocantërëꞌ, naporëꞌ. Inapitasoꞌ co Tata Yosë nohuanton yaꞌhuërinhuëꞌ. Sopai nohuanton, yaꞌhuërin.

1 Samuel 9:25

Inahuara nohuanton artaro acopi quëran ninanoquë nohuaramapi. Naporoꞌ Samoiro pëinën aipi, Saono huëꞌëcaso acotopi.