2 Samuel 1:24 - Chayahuita (Shahui)

²⁴ Israiro sanapiꞌsanquëmantaꞌ, Saono yonquiatoma naꞌnëcoꞌ. Ina copirno nicapon maꞌhuanamaꞌ. Maꞌmaro nëꞌmëtë paꞌton nininquë aꞌmopitëraramaꞌ. Noya noya rino piꞌshi quëran nipisoꞌ, aꞌmoramaꞌ. Oro quëran nipisopitantaꞌ, nitapamaso marëꞌ paꞌanamaꞌ. ¡Inapitaso paꞌton nipirinhuëꞌ, naporamaꞌ!

2 Samuel 1:24 ပူးပေါင်းရင်းမြစ်များ

2 Samuel 1:23

Saono, Conatan, canpitaso nosororainquëmaꞌ. Noyanquëma niꞌton, yaꞌipicoi nosororainquëmaꞌ. ¿Nanpipoma co niaꞌporamahuëꞌ pora? ¿Chiminamaquënta co niaꞌporamahuëꞌ paꞌ? ¡Panca onianoꞌsasoꞌ yanponpachinara, chiníquën paꞌpi! ¡Canpitaso napoaponahuë taꞌahuatamara, inapita quëran chini chiníquën paꞌnamaꞌ! ¡Paꞌpiniroꞌsantaꞌ, chiníquënoꞌsaꞌ. Canpitaso napoaponahuëꞌ, chini chiníquënoꞌsa ninamaꞌ!

2 Samuel 1:25

¡Chiníquën cancantopirinahuëꞌ, nani tëpapi! Niahuëpiquë chachin nani tëpapi taꞌa. Conatanochi motopiroꞌsaquë tëpapi.

Proverbios 31:21

Yaꞌipi pëinënquë yaꞌhuëpisopita Sëhuën nipachina aꞌmocaiso quëtëraꞌpiarin. Napoaton co ocai anotacaso tëranta tëꞌhuatërinhuëꞌ.

Jeremías 2:32

Nanon soꞌyarinso tahuëri nitaparinsopita, ¡co onporonta naniantërinhuëꞌ! Piyapinëhuëpitaso napoaponahuëꞌ, ¡nani huaꞌqui naniantërinaco!

Jueces 5:30

“Ahuëtatona mapisoꞌ nipatomatapi ipora. Cosonaroꞌsa aꞌnaya aꞌnayahuë nipon, cato catohuë nipon niquëtapi. Sisara marësoꞌ, nisha nisha piꞌshi quëran paꞌtopinan nëꞌmëtëroꞌsaꞌ: Aꞌnahuë nipon, catohuë nipon nisha nisha quëran ninshipisoꞌ nëꞌmëtë. Minsëtonaꞌpi niꞌton, apëꞌpëconotacaso marëꞌ quëtapi,” tosapi.