2 Samuel 1:23 - Chayahuita (Shahui)

²³ Saono, Conatan, canpitaso nosororainquëmaꞌ. Noyanquëma niꞌton, yaꞌipicoi nosororainquëmaꞌ. ¿Nanpipoma co niaꞌporamahuëꞌ pora? ¿Chiminamaquënta co niaꞌporamahuëꞌ paꞌ? ¡Panca onianoꞌsasoꞌ yanponpachinara, chiníquën paꞌpi! ¡Canpitaso napoaponahuë taꞌahuatamara, inapita quëran chini chiníquën paꞌnamaꞌ! ¡Paꞌpiniroꞌsantaꞌ, chiníquënoꞌsaꞌ. Canpitaso napoaponahuëꞌ, chini chiníquënoꞌsa ninamaꞌ!

2 Samuel 1:23 ပူးပေါင်းရင်းမြစ်များ

2 Samuel 1:24

Israiro sanapiꞌsanquëmantaꞌ, Saono yonquiatoma naꞌnëcoꞌ. Ina copirno nicapon maꞌhuanamaꞌ. Maꞌmaro nëꞌmëtë paꞌton nininquë aꞌmopitëraramaꞌ. Noya noya rino piꞌshi quëran nipisoꞌ, aꞌmoramaꞌ. Oro quëran nipisopitantaꞌ, nitapamaso marëꞌ paꞌanamaꞌ. ¡Inapitaso paꞌton nipirinhuëꞌ, naporamaꞌ!

Jueces 14:18

Naporo tahuëri chachin coꞌhuara piꞌi yaconyátërasohuëꞌ, inahuaso Sanson paaparahuatona itoonpi: “Ninoíchin yaꞌipi quëran cashi cashinsoꞌ. Paꞌpiníchin yaꞌipiya quëran chini chiníquënsoꞌ,” itoonpi. Napotohuachina Sansonso tapon: “Ohuaca nanon chiníquën niꞌton, catahuarinpo noꞌpaꞌ ohuërërëꞌ. Ina pochachin canpitantaꞌ coꞌsoꞌ saꞌahuë shaꞌhuitërinquëmahuëꞌ naporini, maꞌsona tapo naporahuësoꞌ co noꞌtëquën shaꞌhuichitomacohuëꞌ,” itërin.

1 Samuel 18:1

Naporo tahuëri chachin Saonori Tapi shaꞌhuitërin: “Ipora quëran huarëꞌ ca marëꞌ sacatomiatëquëꞌ. Ama huachi pëinënquë paantaquësohuëꞌ,” itërin. Nani napotohuachina, Conatani Tapi apayamiatërin. Inaora ninosororinso pochachin nosororin. Napoaton Yoscoarëꞌ niitatona nipayamiatacaiso marëꞌ anoyatopi. Ninapotatona anoyatopiso nitotacaiso marëꞌ Conatansoꞌ, aipi aꞌmorinso paꞌcoirin. Aꞌmorinsonta paꞌcoirahuaton inapita Tapi quëtërin. Sahuëninën, pëꞌchinanën, sintoronën, inapitanta quëtërin.

1 Samuel 20:2

Napotohuachina, inariso itapon: —¡Co Yosë nohuantarinhuëꞌ tatahuë tëpainquënsoꞌ! ¡Co tëpaarinquënhuëꞌ! Tatahuë maꞌsona yanipachina onpopionta shaꞌhuitërincosoꞌ, nani nitotëran. Napoaton iporanta maꞌsona nicacasoꞌ yonquihuachina, co poꞌotarincohuëꞌ, itërin.