2 Samuel 1:16 - Chayahuita (Shahui)

¹⁶ Ina chiminasoꞌ, Tapiri itapon: —Quëmaora tëhuënënquë chiminaran: “Siniorori copirno huayoninsoꞌ tëparahuë,” tënanso marëꞌ ninaꞌintëran, itërin.

2 Samuel 1:16 ပူးပေါင်းရင်းမြစ်များ

2 Samuel 1:10

Napotohuachincora, tëparahuë. Co onpo nanpichináchinhuëꞌ nitopisoꞌ nicato, napotërahuë. Inapotato yancorinsoꞌ, aꞌsontanparinsoꞌ, inapita matërahuë. Quëmasoꞌ huaꞌanëhuënquën niꞌton, quëshintaꞌhuanquënso marëꞌ matërahuë, itaantarin huiꞌnapiri.

2 Samuel 16:8

Saonocoꞌ huiꞌninpita tiquirahuaton, ina yaꞌhuërënamën copirno yaꞌconan. Inapoaton co noyahuëꞌ ninanso marëꞌ Sinioro anaꞌintarinquën. Iporasoꞌ ina nohuanton Apësaron yaꞌhuërëtërinquën. Quëmaso matararonquën niꞌton, co noyahuëꞌ ninanso marëꞌ parisitaran, itërarin.

Ezequiel 18:13

Coriqui aꞌnanpachinarantaꞌ, naꞌcon naꞌcon ananpërin. Ina pochin nipachinaꞌ, co nanpicaso yaꞌhuërinhuëꞌ. Yaꞌipi inapita co costapirahuëꞌ, naporinso marëꞌ onpopionta chiminapon. Inaora tëhuënënquë napoapon.

Ezequiel 33:5

Pomon pihuipisoꞌ natanaponahuëꞌ, co natëtërinhuëꞌ. Napoaton inaora tëhuënënquë chiminapon. Co insonta ina marëꞌ nonsarinhuëꞌ. Natëtërin naporini, chaꞌëitonhuëꞌ.

Mateo 27:25

—Tëhuënchachin quiya yonquirai tëpacaꞌhuaisoꞌ. Yosë yaanaꞌintohuachincoi, huiꞌnahuëipitarëꞌcoi chachin anaꞌinchincoi, topi.

Lucas 19:22

‘Quëmasoꞌ co noyanquënhuëꞌ, chiroran. Co piꞌpisha tërantaꞌ natërancohuëꞌ. Quëmaora nanamën quëran napotaranquën. Co sacataponahuëꞌ, canaran, ¿itëranco ti?

Hechos 18:6

Inapitaso nipirinhuëꞌ noꞌhuitonaꞌ, Paono pinopi. Napoaton tananpitërin. —Tëhuënchachin Yosë anaꞌintarinquëmaꞌ. Nani yaꞌipi aꞌchintopiranquëmahuëꞌ, co yanatëramahuëꞌ niꞌton, canpitaora tëhuënëmaquë ninaꞌintaramaꞌ. Iporaso nisha piyapiꞌsaꞌ aꞌchintarahuë huachi, tënin Paono.

Hechos 20:26

Yaꞌipi Yosë yonquirinpoasoꞌ nani shaꞌhuitëranquëmaꞌ. Napoaton noꞌtëquën itëranquëmaꞌ. Insosona co natëhuachinahuëꞌ, ina marëꞌ co Yosë anaꞌintarincohuëꞌ. Inahuara tëhuënënaquë ninaꞌintapi.

Romanos 3:19

Tëhuënchachin co noyahuëꞌ nicatëhuaꞌ, yaꞌipinpoaꞌ oshahuanëhuaꞌ. Yosë pënëntërinsoꞌ nitotopirëhuahuëꞌ, co natërëhuahuëꞌ niꞌton, anaꞌintinpoasoꞌ yaꞌhuërin.

Josué 2:19

Insosona aipiran paꞌsápachin tëpaarai. Inaora tëhuënënquë chiminapon. Co quiya tëhuëaraihuëꞌ. Napoaponahuëꞌ, insoari tëranta iso pëianaquë yaꞌhuëarinso maꞌsha onpotohuachin, naꞌintarincoi. Quiya catocoi naꞌintarincoi.